Galesia 4:5 - Nupela Testamen long tokples Kandas

⁵ I wanpat sur in kul langolango pas det ra det kis utuntudu ina Warkurai, sur dat in nanpat a kum nutnutun o God.

Galesia 4:5 ပူးပေါင်းရင်းမြစ်များ

Matiu 20:28

Lenkutkai ra a Nutun a Musano ke wanpat sur din papam toromi. I wanpat sur i ut in papam torom a taro, ma in pitar tar anun a nilaun, a ikul, sur in kul langolango pas a susut na taro.”

Luk 1:68

“Dat in watung ulabo pas a Labino, a God anun a taro Israel, uni i sa wanpat taru torom anun a taro, ma i sa ulangolango tar det.

A Wakak na Wasiso un o Iesu Karisito o Jon i tumusi 1:12

Ikut, torom det ra det gas pasi, ma det nurnur una risano, i mulaot pas det sur det a kum nutnutun o God.

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

A Pas anun o Pol torom a taro Rom 10:4

Uni a kum Warkurai anun o Moses i tuk taru kut un o Karisito, sur det ra det nurnur un o Karisito det in tokodos umatan o God.

A Pas anun o Pol torom a taro Rom 8:14

Uni det ra a Nion o God i mugu det, det a kum nutnutun o God.

A Pas anun o Pol torom a taro Rom 8:15

Uni a Nion, ra mot los pasi, awu sur a ngas na nion ra i pam mot sur mot in tene ititula melet mo anun a nginara, awu. Mot los pas a Nion sur mot a kum nutnutun o God, ra i ras pas mot. Ma una dekdekin a Nion, dat ser kakabo torom o God lena, “Aba, Tita.”

A Pas anun o Pol torom a taro Rom 8:19

A kudulano ukukis rop i kis langlang nama labino nemnem sur a bung ra o God in upuaso ru a kum nutnutunu.

A Pas anun o Pol torom a taro Rom 8:23

Ma awu sur a kum ukukis kut, dat kai, ra o God i sa pitar tar a mugano etabor torom dat, a Tokodos na Nion, dat kai dat kis langlang nama tinangis nin ubalandat, nama labino nemnem sur a du bung ra o God in ras dat sur dat a kum nutnutunu, ma in ulangolango a pinindat.

A Pas anun o Pol torom a taro Rom 9:4

Det a taro Israel, ra o God i ras pas det sur det a kum nutnutunu. I ese anun a minamar tandet, i pam a kum kunubus tomo nam det, i pitar tar a kum Warkurai tandet, i ese tar det una kisapi na lotu mulus, ma i uliliman tar det.

Galesia 3:13

A kum Warkurai i ubek tar dat una dekdek na kankan anun o God. Ikut o Karisito i kul langolango pas dat gusun a kankan ra. I ut i tur keles dat, ra i rakon pas a dekdek na kankan. I elar nami ra di sa tumus tari una Buk Tabu lena, “Osi ra di ukete i netes unin nanai, a dekdek na kankan anun o God i kis uni.” Lo 21:23

Galesia 3:26

Uniri mot rop a kum nutnutun o God, uni mot nurnur un o Karisito Iesu.

Galesia 4:21

Mot ra mot nem na mur a Warkurai, mot in inanos iau: Pepetlai, mot tasmani ut a kukurai ina Warkurai?

Galesia 4:7

Uniri ka mot kis na tene ititula melet mo, awu. Mot a kum nutnutun o God, ma mot in rakon pas a kum utna anun o God.

Epeses 1:5

Una nun a marmaris, numugu utmakai i sa tasmani lena in ras pas dat sur dat a kum nutnutunu, una pinapam anun o Iesu Karisito ra i ulaun dat. Una nun a nemnem ut ma una nun a gasgas i pami lenri.

Epeses 1:7

O Karisito i mat, ra a gapino i kul langolango pas dat, ma o God i unus ru anundat a kum sakino petutna. A marmaris ra, anun o God i labo sakit,

Epeses 5:2

Mot in laun nama marmaris, elar nam o Karisito i maris dat, ra i pitar tar anun a nilaun sur dat, elar nama etabor ra i sangnain wakak torom o God.

Taitus 2:14

I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.

Ibru 1:3

O Nutunu i talapor doko nama minamar anun o God, ma i elar mulus ut nam o God. I pam ukai a kum utna rop nama nun a dekdek na wasiso sur det in papam tomo wakak. I pitar tar anun a nilaun, sur in rus talapor dat gusun a kum sakino petutna rop. Ra i sa pam rop tar a pinapam ra, i kis una papor sot na laman a labino King sakit, sapat netes una langit.

Ibru 9:12

Ara dino kut o Iesu i ruk una nubual ra i Tabu Sakit ma ken pam meleti mo. Awu sur i ruk nama gapin a kum meme ma a kum barman na bulumakau sur in etabor nami. I ruk nama gapino ut, ra i kul langolango pas dat. Ma anun a pinapam na kunukul ra, in tur tukum.

Ibru 9:15

I mo ra o Karisito i tur epotor tan o God ma a taro, ra i pam tar a matok na kunubus, sur in dat tomo tar det. I pami sur det, ra o God i sa kabo pas det, det in dan tukum elar nam anun a liliman. O Karisito i mat ra i kul pas det nama gapino. Anun a minat i ulangolango pas det gusun anundet a kum sakino petutna ra det ser pami utuntudu ina mugano kunubus.

1 Pita 3:18

Uni o Karisito kai i taramo a ngunungut ra i mat ara dino kut, una nundat a kum sakino petutna. A Tene Tokodos i mat sur det ra ka det tokodos, sur in ben pas mot torom o God. Det um doko ru a pinino, ikut di ulaun pasi una nion.

Tamtama 14:3

Det kele a matok na kelekele sa numugu tan a kiskis na king, ma a wat na utna ra det laun ma a kum mugumugu. Kataio in pet lar pasi sur in ususer una kelekele ri. Ara mar ma wat na noino ma wat na arip ra o God i sa kul langolango pas det taginin una rakrakon bual, det kut det in pet lar pasi.

Tamtama 5:9

Ma det kele a matok na kelekele lenri, “Ui ut u tokodos sur un los pas a buk ma un papok ru a kum bulit gusuni, uni di um doko ui, ma u kul pukus pas a taro torom o God nama gapim, a taro tagun a kum kamkabo taro rop, tagun a wur ngas na wasiso rop, tagun a kum tamon rop ma tagun a kum gapman rop.