Galesia 4:4 - Nupela Testamen long tokples Kandas

⁴ Ra a kilalo i sot, o God i tulu ru o Nutunulik urin. A ino i usus pasi, ma i kis utuntudu ina Warkurai.

Galesia 4:4 ပူးပေါင်းရင်းမြစ်များ

Matiu 1:23

“Tama i, a toraro ra ke inep tomo utmakai nam tu musano in tianan, ma in usus pas a nat na musano ra din watungi nam o Emanuel,” Ais 7:14 a kukuraino lena, “O God i kis tomo nam dat.”

Matiu 3:15

Ra o Iesu i balu i lena, “Un baptaiso iau kut. I wakak ra un pami, sur dar in pam sot pas asau rop ra i tokodos umatan o God.” Ra o Jon i mulaot kut tano.

Matiu 5:17

“Gong mot nuki lena a wanpat sur an rakon ru a kum Warkurai anun o Moses ma a kum etowo anun a kum poropet, awu. Ka wanpat sur an rakon ru det, a wanpat sur an pam sot pas det.

A Wakak na Wasiso un o Iesu Karisito o Mak i tumusi 1:15

I watungi lena, “A du bung i sa sot, ma a matanitu anun o God i sa milau. Mot in nukpukus, ma mot in nurnur una Wakak na Wasiso.”

Luk 1:31

Tama i! Un tianan, un usus pas a nat musano, ra un pasor tar a risano nam o Iesu.

Luk 1:35

A ensel i balu i lena, “A Tokodos na Nion in kis un ui, ma a dekdekin o God a Labino Sakit in pulus bat ui. Ra a Tasur na Musano ra un usus pasi, din watungi a Nutun o God.

Luk 2:7

ra i usus pas a mugano nutunu, a nat musano. Ma i pulusi nama kum malu anun a nat, ma i inep tari una boks na inangon ana kum wewegua, uni a rumu na usiro i sa bukus pas gusun detul.

Luk 20:44

O Dewid i watung a Karisito lena, i anun a Labino. Ra i lenra, der tamano pepetlai?”

A Wakak na Wasiso un o Iesu Karisito o Jon i tumusi 1:14

A Wasiso i wanpat a musano mulus, ma i kis epotor tamet. Met sa tama tar anun a minamar, a minamar anun o Nutunu, ara sot kut, ra i wan tagisapat tan o Tamano, i bukus nama marmaris ma a lingmulus.

A Wakak na Wasiso un o Iesu Karisito o Jon i tumusi 10:36

Ma iau, o Tita ut i pilok pas iau, ma i tulu ru iau urin una rakrakon bual. Ra ilai ra mot takun iau lena a watung laulau o God uni a watungi lena, iau a Nutun o God?

A Wakak na Wasiso un o Iesu Karisito o Jon i tumusi 3:16

“O God i maris a rakrakon bual, ra i pitar tar o Nutunu ara sot kut, sur osi ra in nurnur uni, in laun tukum ma ken iru.

A Wakak na Wasiso un o Iesu Karisito o Jon i tumusi 6:38

Uni a wan pirso tagisapat una langit sur an muri ut a nemnem anun o Tita, i ra i tulu ru iau urin. Awu sur a wan pirso sur an mur a nuknuking, awu.

A Wakak na Wasiso un o Iesu Karisito o Jon i tumusi 8:42

O Iesu i watungi tandet lena, “Ra gunuk mot tamano mulus nam o God, mot in nem iau, uni a wan tagisapat tan o God, ra uniri a kis nin. Ka wanpat urin una nung a nemnem, i ut i tulu ru iau.

Aposel 1:7

I balu det lena, “Awu sur a utna anumot sur mot in tasman a bung o a du bung ra o Tita i sa kubus tari sur in pitari uni.

A Pas anun o Pol torom a taro Rom 1:3

A Wakak na Wasiso i wasiso un o Nutunulik, ra di usus pasi tagun a kabotaro anun o king Dewid.

A Pas anun o Pol torom a taro Rom 15:8

A watungi tamot lena, o Karisito i wanpat elar nama tultul anun a taro Juda, sur in pam sot pas a kum liliman anun o God ra i sa pam tari torom a kum tumtubun det. Ra i pami lenra, i ese i lena a wasiso anun o God i lingmulus.

A Pas anun o Pol torom a taro Rom 5:6

Numugu ka dat mur a petutna ra i wakak umatan o God, ra ka dat pet sot pas tu utna. Ikut ra a du bung i sot, o Karisito i mat sur dat.

A Pas anun o Pol torom a taro Rom 8:3

A kum Warkurai anun o Moses ken pet lar pasi sur in turbat a sakino, uni a sakino nemnem ina pinindat, kalako dekdekino sur in mur a kum Warkurai. Ikut o God i pet lar pasi. I tulu ru o Nutunu urin upiso ma i wanpat a mulusino elar nam dat, a taro na pam sakino. I mat ma i sa ulaun pas dat gusun anundat a sakino. A warkurai na minabalu una kum sakino petutna anundat, o God i ubek tari una pinin o Iesu, ma i urop a dekdekin a sakino petutna.

A Pas anun o Pol torom a taro Rom 9:5

Det a kabotaro anun o Abaram, o Aisak ma o Jekop. Ra o Karisito i wanpat a musano mulus, i wanpat tagun det, i a Karisito ra i warkurai sur a kum utna rop, ma i ut ra o God. Dat in watung ulabo pasi, ma ken rop. Amen.

Epeses 1:10

Anun a nemnem i lenri: In dat tomo a kum utna rop sapat netes una langit ma nin upiso, sur det rop det in kis utuntudu ina warkurai anun o Karisito. Ra a bung in sot in pam sot pasi ut.

Kolosi 2:14

Dat ser rosumur gusun a kum Warkurai anun o Moses, ra a etakun i kis un dat. Ikut o God i unus ru a etakun, ra i sak wat tari sapat netes unin nanai kutus.

1 Timoti 2:6

i ra i pitar tar anun a nilaun sur in kul langolango pas a taro rop. Una du bung ra o God i sa kubus tari, o Iesu i ulingmulus a nemnem anun o God lena i nem na ulaun a taro rop.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

Ibru 2:14

A kukurai ina kum nat liklik ra, a kum mulusino ut. Ma o Iesu kai i wanpat a mulusino, a pinino ma a gapino ut. I pami lenra sur una nun a minat in ban laulau ru o Satan, i ra i utur ukai a dekdekin a minat.

Ibru 9:10

A kum warkurai ri tagun a inangon ma a ininum ma a kum pinapam na gos talapor a taro umatan o God. Det a kum warkurai kut tagun a pinindat. Det tur kut, tuk una bung ra o God i umatok a kum utna.

1 Jon 4:14

O Tamano i pitar ru o Nutunu sur in Tene Ulaun anun a rakrakon bual, ra met, met sa tama tari, ma met wasiso talapor uni.

1 Jon 4:2

Mot in tasman lele a Nion o God lenri: Det ra det watungi lena o Iesu Karisito i wanpat a musano mulus, det tagun o God.