Galesia 4:26 - Nupela Testamen long tokples Kandas

²⁶ Ikut o Jerusalem kusapat una langit, i langolango elar nam o Sara, a ino ra awu sur a tene ititula, ma i a nandat, a kum tene nurnur.

Galesia 4:26 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 8:36

Ra a Nutun o God in ulangolango mot, mot in langolango mulus.

A Pas anun o Pol torom a taro Rom 6:14

Ka mot in kis melet mo utuntudu ina dekdekin a sakino petutna, uni ka mot kis mo utuntudu ina kum Warkurai. Uniri mot sa kis utuntudu ina marmaris anun o God.

A Pas anun o Pol torom a taro Rom 6:18

Di sa ulangolango pas mot gusun a sakino petutna, ma uniri mot a kum tene ititula mo anun a tokodos na petutna.

Galesia 4:22

A Buk Tabu i watungi lena, o Abaram aru nutnutunu, o Ismael a nutun a tene ititula na ino, a risano o Agar. Ara kai, a risano o Aisak, a nutun o Sara, a ino ra awu sur a tene ititula.

Galesia 4:25

O Agar i tur ukinalong a tangai Sainai kurong o Arebia, ma i elar nama malalarin o Jerusalem anun a taro Juda, uni a taro Juda det kis na tene ititula una Warkurai.

Galesia 5:1

O Karisito ut i sa ulangolango pas dat, sur dat in langolango mulus. Mot in tur dekdek, ma gong mot madek tar taio sur in ker ukai mot sur mot in elar nama kum tene ititula melet.

Pilipai 3:20

Ikut dat, a taro tagisapat una langit. Ra dat kis langlang nama labino nemnem sur a Tene Ulaun, ra in nan pirso tagisapat netes, a Labino o Iesu Karisito.

Ibru 12:22

Ikut, mot sa wanpat una tangai Saion, i o Jerusalem kusapat una langit, a tamon anun o God, ra i laun. Mot sa wanpat torom a kum ariparip na ensel ra ka din luk lar pas det, ra det kis tomo nama gasgas.

1 Pita 2:16

Mot sa langolango, ikut gong mot langolango sur mot in pam a sakino. Mot in laun elar nami ra mot a kum tultul anun o God.

Tamtama 12:1

A labino ukinalong i wanpat sapat una langit. Ara ino i emar pas namin matanas, ma a kalang kura i kis utuntudu ina aru kikino, ma a kukup na king, ra di pami nama noino ma arin nangnang, i kis netes unin lorino.

Tamtama 17:5

Di tumus tar a risano unin masarino, a utna na pidik lenri, a labino tamon babilon, a nan a kum pamuk na ino ma a kum sakino petutna sakit anun a rakrakon bual.

Tamtama 21:2

Ma a tama a matok na Jerusalem, a tamon anun o God, i wan pirso tagisapat una langit tan o God. Di sa waninar tari elar nami ra di sa mar wakak tar a toraro na ino sur anun a musano, sur der in nolin.

Tamtama 3:12

Osi ra i winim pas a inaim, an uturi sur a pos ina rumu na etabor anun a God anungi, ma ken pirso melet gusuni. Ma an tumus a risan anung a God uni, ma a risan a tamon anun a God anungi, a matok na Jerusalem, a tamon ra in nan pirso tagisapat una langit gusun anung a God. Ma an tumus tari kai a matok na risang uni.