Galesia 4:25 - Nupela Testamen long tokples Kandas

²⁵ O Agar i tur ukinalong a tangai Sainai kurong o Arebia, ma i elar nama malalarin o Jerusalem anun a taro Juda, uni a taro Juda det kis na tene ititula una Warkurai.

Galesia 4:25 ပူးပေါင်းရင်းမြစ်များ

Matiu 23:37

“Jerusalem, Jerusalem, ui ra u ser um doko a kum poropet, ma det ra di tulu ru det torom ui, u duku doko ru det kut nama watat. A susut na dino a nem na ben tomo a kum nutnutum elar nama kereke ra i rakup bat tomo a kum nutnutunu utuntudu ina ru mebene, ikut ka mot nemi.

Luk 13:34

“Jerusalem, Jerusalem, ui ra u ser um doko a kum poropet, ma det ra di tulu ru det torom ui, u duku doko ru det kut nama watat. A susut na dino a nem na ben tomo a kum nutnutum, elar nama kereke ra i rakup bat tomo a kum nutnutunu utuntudu ina ru mebene, ikut ka mot nemi.

Luk 19:44

Ma det in rege ginogino ru a tamon, ma det in um doko mot kai ra mot kis uni. Ma ka det in madek tar tu wat in inep netes un tu wat, uni ka mot tasman lele a du bung ra o God i wanpat uni torom mot.”

Aposel 1:11

Ma der watungi lena, “Mot a kum te Galili, sur asau ra mot tur ma mot tatado usapat una bakut? O Iesu mo sapat, i ra o God i sa ben pasi gusun mot usapat una langit, in nanpat melet urin, elar ut nami ra mot tama ru i, ra i wan usapat netes.”

Galesia 1:17

Ma ka wan usapat o Jerusalem sur det ra det sa aposel mugu tang det in ususer iau, awu. A wan mut utong o Arebia, ra numur a milet melet sur a tamon Damaskus.

Galesia 4:24

A wasiso ri a wasiso elelar. Aru ino ri, der elar nama ru kunubus. Ara kunubus ra o God i pami sapat netes una tangai Sainai ra i pitar a kum Warkurai tan o Moses. O Agar i tur ukinalong a kunubus ra, ra a taro ra det kis utuntudu ina kunubus ra, det elar nama kum tene ititula.

Galesia 4:26

Ikut o Jerusalem kusapat una langit, i langolango elar nam o Sara, a ino ra awu sur a tene ititula, ma i a nandat, a kum tene nurnur.

Ibru 12:18

Ka mot wanpat una tangai Sainai elar nama taro Israel. A tangai ra, di pet lari sur din tulani. Tiro iai a sungun i kunkunabor, ma det tama a dumirum ma a mirum na bakut ma a labino wuwu.