Galesia 4:19 - Nupela Testamen long tokples Kandas

¹⁹ A kum nutnutung liklik, a taramo melet a ngunungut sur mot, elar nama ino ra i usus. An taramo a ngunungut ri, tuk mot in elar nam o Karisito.

Galesia 4:19 ပူးပေါင်းရင်းမြစ်များ

Luk 22:44

I taramo a dekdek na tupunuk, ra i dekdek doko nama niaring. Ma a misongot na pinino i elar nama tutu na gap i puku pirso utiro upiso.]

A Pas anun o Pol torom a taro Rom 13:14

Ikut mot in emar nama nilaun anun a Labino o Iesu Karisito, ma gong mot nuknuk sur tu kisapi sur mot in ugasgas a sakino nemnem ina pinimot.

A Pas anun o Pol torom a taro Rom 8:29

Numugu utmakai o God i sa tasman anun a taro. Ma numugu utmakai, i sa pilok pas det sur det in elar nam o Nutunu, sur i a mugano tan a susut na tistisino.

2 Korin 12:14

Tama i, uniri a sa waninar sur a mantul na inawan torom mot. Ma kan saring tu utna gusun mot, uni ka nem anumot a mani, a nem mot ut. Uni ke tokodos sur a kum nat liklik det in tabor a kum tamandet ma a kum nandet. I wakak sur a kum tamandet ma a kum nandet ut det in ubek a utna sur det in tabor a kum nutnutun det nami.

Epeses 4:13

Det in pami lenra tuk ra dat in takai kut una nurnur, ma dat rop dat in tasman wakak a Nutun o God, ma dat in nanpat a kum dekdek na tene nurnur. Dat in lubung tuk dat in bukus nama kudulano nilaun anun o Karisito.

Epeses 4:24

Ma mot in emar nama matok na nilaun ra o God i ukis tari elar ut nama malalarino, sur mot in mur a tokodos na petutna mulus, ma mot in nanpat a taro anun o God.

Pilipai 1:8

O God i tasmani lena, a nem doko i sur an tama mot rop, uni a nem doko mot nama marmaris anun o Karisito Iesu.

Pilipai 2:17

Anumot a pinapam ra anumot a nurnur i pam pati, i elar nama etabor torom o God. Ra kanapi an mat, a gaping in elar nama etabor ra di lingisi netes una numot a etabor. Ra an gas ma an gas tomo nam mot rop.

Pilipai 2:5

A nuknuki mot in elar nama nuknukin o Karisito Iesu.

Kolosi 1:27

O God i upuaso i lena, a taro ra awu sur a taro Juda, det kai det in tasman a utna ra numugu i kis eno, ra i wakak doko ma in udan det. Iri a utna ra: o Karisito ut i kis una numot a nilaun, i mo ra, mot kis langlang nama nurnur sur a minamar anun o God, ra mot in rakoni.

Kolosi 2:1

A nemi sur mot in tasmani lena, a papam dekdek sur mot, ma sur a taro Laodisia, ma sur det rop kai, ra ka etorom det utmakai.

Kolosi 3:10

ma mot sa emar pas nama matok na nilaun. A matok na nilaun ri, o God i ser umatoki, sur mot in elar nama malalarino, ma sur mot in tasman mulusi.

Kolosi 4:12

O Epapras, i ara ut tagun mot, ma a tultul anun o Karisito Iesu, i pitar anun a marmaris torom mot. I ser wararing dekdek sur mot, sur mot in tur dekdek una numot a kinkinis na nilaun un o Karisito, ma mot in tasman mulus a nemnem rop anun o God.

1 Tesalonaika 2:7

I tokodos sur metul in saring mot sur tu ikul, uni metul a tulu aposel anun o Karisito. Ikut ka metul pami lenra. Metul upuaso a balano wakak epotor tamot, elar nama ino ra i tamtamabat a kum nutnutunu.

1 Timoti 1:2

A tumus a pas ri torom ui Timoti, a nutunglik mulus una nurnur. A marmaris ma a wakak na petutna ma a balano molmol, tan o God a Tamandat ma o Karisito Iesu anundat a Labino in kis torom ui.

Taitus 1:4

A tumtumus torom ui Taitus, a nutunglik ra anundar a nurnur i elar. A marmaris ma a malmal tan o God a Tamandat, ma o Karisito Iesu anundat a Tene Ulaun, in kis tomo nam ui.

Pilimon 1:10

a saring pas anum a nimulaot un o Onesimus, a nutunglik una nurnur. I wanpat torom iau ra a kis una karabus, ma i nukpukus. Ra uniri, i elar nama nutunglik mulus ut una nurnur.

Pilimon 1:19

Iau o Pol, iau ut a tumus a wasiso ri nama lamang: an balu asau ra torom ui. Kan watung tu utna tam, ui ut u sa tasman tari lena, a matok na nilaun ra u sa los pasi, i kibino ut un iau, ma i elar nama dinau torom ui.

Ibru 5:7

Ra o Iesu i laun nin una rakrakon bual, i kukukuk nam anun a kum niaring nama lurlur na matano torom o God, i ra i pet lar pasi sur in ulaun pasi gusun a minat. Ma o God i longoro i, uni i unatino pasi utuntudu ino.

Jems 1:18

Una nun a nemnem ut, o God i usus matok dat nam anun a lingmulus na wasiso. I pilok pas dat gusun a kum utna na ukukis rop, sur dat in elar nama kum mugano wino duwai ra di ser etabor nami torom o God.

1 Jon 2:1

A kum nutnutung liklik, a tumus a kum utna ri torom mot sur gong mot pam a sakino. Ikut ra taio in pam a sakino, anundat a tene warut, o Iesu Karisito a Tene Tokodos, in wasiso anun o naro ra, torom o Tamano.

1 Jon 2:12

A tumtumus torom mot a kum nutnutung liklik, uni di sa unus ru anumot a kum sakino petutna una minatin o Karisito.

1 Jon 5:21

A kum nutnutung liklik, mot in tamtamabat mot gusun a kum torotoro na god.

3 Jon 1:4

Ra a longoro i lena a kum nutnutung, anundet a nilaun i mur a lingmulusino, a gas doko, ma katu utna melet mo ra in ulabo anung a gasgas.