Galesia 4:15 - Nupela Testamen long tokples Kandas

¹⁵ A nuki lena, kanapi ra mot in pet lari, mot in gas sur mot in liok ru a kum kiok na matmata mot urin tang. Ikut uniri, awai mi anumot a gasgas ra?

Galesia 4:15 ပူးပေါင်းရင်းမြစ်များ

Luk 8:13

Ra a kum pitino ra det puku una nubual na watat, det elar nama taro ra det longoro a wasiso, ra det pam ukai i nama gasgas. Ikut kalako wakakorin det, anundet a nurnur ke tur suano i. Ra a kum larlar i wanpat torom det, det puku.

A Pas anun o Pol torom a taro Rom 10:2

Uni a tasmani ut lena, det nem doko i sur det in ugasgas o God, ikut ka det tasman asau ra det in ugasgasi nami.

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

A Pas anun o Pol torom a taro Rom 5:2

Ra dat nurnur un o Karisito, i mugu dat ma i uruk dat una marmaris anun o God. Ra uniri, dat sa laun uni. Ma dat gas, ra dat kis langlang nama nurnur sur a minamar anun o God, ra kura numur dat in kis uni.

A Pas anun o Pol torom a taro Rom 9:3

Ra gunuk an pet lar pasi, a nemi sur an tur keles a kum tistising, anung a taro Juda, ma din ubek tari mukut anundet a warkurai na minabalu un iau, ma din rakon ru iau gusun o Karisito, sur din ulaun pas det.

2 Korin 8:3

A inanos mot nama lingmulus, anundet a etabor, i elar ut nama dekdekin det, ikut det pitar wot meleti. Anundet a nemnem ut sur det in pami lenra.

Galesia 3:14

O Karisito i kul langolango pas dat, sur o God in watung udan a kum kamkabo taro rop, elar nami ra i watung udan o Abaram, ma sur in pitar a Tokodos na Nion torom dat, ra dat nurnur un o Karisito Iesu, elar ut nama nun a liliman.

Galesia 4:14

Anung a misait i pitar a maut torom mot, ikut ka mot nget iau, ma ka mot rosumur gusun iau, awu. Mot gas pas iau kut elar nam ara ensel anun o God, o elar nam o Karisito Iesu ut.

Galesia 4:16

Pepetlai, uniri mot nuki mukut lena iau anumot a ebar, uni a inanos mot nama lingmulus?

Galesia 4:19

A kum nutnutung liklik, a taramo melet a ngunungut sur mot, elar nama ino ra i usus. An taramo a ngunungut ri, tuk mot in elar nam o Karisito.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Galesia 6:4

Arara tagun mot in lar anun a kum pinapam ut, sur i ut in gas nami. Ikut, gong i elaro i nam tu pinapam anun taio.

Kolosi 4:13

Uni iau ut a tama i ma a wasiso mulus uni torom mot lena, i papam dekdek sur mot, ma sur det kurong o Laodisia ma det kai tong o Ierapolis.

1 Tesalonaika 2:8

Metul nem doko mot, ra metul gas doko sur metul in inanos mot una Wakak na Wasiso anun o God. Awu sur i kut ra, awu, metul gas utkai sur metul in pitar anumetul a nilaun kai torom mot, uni mot labo doko umatametul.

1 Tesalonaika 5:13

Mot in ese a labino urur ma a marmaris torom det, kibino una nundet a pinapam. Ma mot in kis na malmal etetalai.