Galesia 4:12 - Nupela Testamen long tokples Kandas

¹² A kum tistising, a saring dekdek mot sur mot in kis langolango gusun a Warkurai elar nam iau, uni a elar kut nam mot ra awu sur a te Juda. Numugu ra a kis nisamot, ka mot pam tu laulau ino un iau.

Galesia 4:12 ပူးပေါင်းရင်းမြစ်များ

Aposel 21:21

Det sa longoro a wasiso un ui lena, u ser ususer a taro Juda rop ra det kis nisan a taro ra awu sur a taro Juda, sur gong det mur a Warkurai anun o Moses. Det longoro i lena, u inanos det sur gong det tok talilis a pinin a kum nutnutun det, ma gong det mur a kum petutna anun a taro Juda.

2 Korin 2:5

Ra taio i kibino una tupunuk ri, awu sur i utupunuk iau kut, i utupunuk a susut kai tagun mot. A watungi lenri, sur gong a watungi lena, i utupunuk mot rop.

2 Korin 6:11

Ai, mot a taro Korin, met wasiso talapor mulus torom mot, ma a balamet i bukus nama marmaris torom mot.

2 Korin 6:13

A wasiso torom mot ri, elar kut nami ra a wasiso torom a kum nutnutung: Mot in pami lenra torom met lenkutkai ra met pami torom mot. Mot in nem met nama balamot rop.

Galesia 2:14

Ra a tama i lena, a utna ri, det pami ke elar nama lingmulus ina Wakak na Wasiso, a watungi torom o Pita umatandet rop lena, “Pita, ui a te Juda, ikut u laun elar nama taro ra awu sur a taro Juda. Asau a kibino ra u ungongos pas a taro gisen sur det in mur a kum petutna anun a taro Juda?

Galesia 4:11

A ngara doko sur mot, sako anung a pinapam torom mot in utna oros kut.

Galesia 4:13

Mot tasmani ut, a mugano dino ra a wanpat, ra a warawai nama Wakak na Wasiso torom mot, kibino kut uni a misait.

Galesia 6:14

Iau ut kan warango pas iau. An warango pasi kut anundat a Labino o Iesu Karisito ra i mat unin nanai kutus. Uni unin nanai kutus, a petutna anun a rakrakon bual i mat gusun iau, ma iau kai, a sa mat gusun a kum petutna anun a rakrakon bual.

Galesia 6:18

A kum tistising, a marmaris anun anundat a Labino o Iesu Karisito in kis una niomot. Amen.