Galesia 4:11 - Nupela Testamen long tokples Kandas

¹¹ A ngara doko sur mot, sako anung a pinapam torom mot in utna oros kut.

Galesia 4:11 ပူးပေါင်းရင်းမြစ်များ

Aposel 16:6

A Tokodos na Nion i turbat detul sur gong munung detul warawai nama Wakak na Wasiso, tong una papor Asia. Ra detul wan tuptupukus kut tong una ru papor, Pirigia ma o Galesia.

1 Korin 15:58

I mo ra a kum wakak na tistising, mot in tur dekdek, ma gong i tugunu anumot a nurnur una katkatutur melet gusun a minat. Mot in pitar rop tar anumot a nilaun una pinapam anun a Labino, uni mot tasmani lena a kum pinapam rop mot pami torom a Labino awu sur a utna oros kut.

Galesia 2:2

A wan uni o God ut i inanos iau sur an nan. A etorom det ra di watung det nama kum mugumugu anun a kum tene nurnur. Ra met kut met kis, a inanos det nama Wakak na Wasiso ra a ser warawai nami torom a taro ra awu sur a taro Juda. A nemi sur det in mulaot uni, sur gong i utna oros kut anung a pinapam na warawai tagitiro ut tuk uniri.

Galesia 4:10

Mot dekdek doko sur mot in mur a kum warkurai anun a taro Juda una kum lamlabino bung, ma a kum kalang, ma a kum kilalo, ra mot nuki lena mot in tokodos uni.

Galesia 4:12

A kum tistising, a saring dekdek mot sur mot in kis langolango gusun a Warkurai elar nam iau, uni a elar kut nam mot ra awu sur a te Juda. Numugu ra a kis nisamot, ka mot pam tu laulau ino un iau.

Galesia 4:20

A nemi sur an kis torom mot, ma an wasiso na marmaris namin nalngang ut torom mot, uni ka tasmani lena, asau melet mo an pami torom mot.

1 Tesalonaika 3:5

I mo ra a tulu ru o Timoti torom mot. A tulu ru i torom mot sur an mananos una numot a nurnur, uni a ngara doko un mot ma ka nem na kis liklik mo. A ngara, sako a tene ululam i sa ulam pas mot, ma anumetul a pinapam torom mot in utna oros kut.

2 Jon 1:8

Mot in tumarong mot sur gong mot ubek ru asau ra mot sa dekdek pasi. Mot in tur dekdek sur mot in los pas anumot a kudulano ikul.