Galesia 3:19 - Nupela Testamen long tokples Kandas

¹⁹ Sur asau ra o God i pitar a kum Warkurai? I pitari sur a taro det in tama lele anundet a kum sakino petutna. Di mur a kum Warkurai tuk a nutun o Abaram i wanpat, i ra o God i uliliman taru nami, o Karisito. Ra o God i pitar a kum Warkurai, i tulu ru a kum ensel nami torom o Moses, i ra i tur epotor tan a taro ma o God, sur o Moses in pitari torom det.

Galesia 3:19 ပူးပေါင်းရင်းမြစ်များ

Luk 16:31

Ra o Abaram i balu meleti lena, ‘Ra ka det longoro o Moses ma a kum poropet, ra taio kai in katutur melet gusun a minat, ken ukatutur pas anundet a nurnur.’”

A Wakak na Wasiso un o Iesu Karisito o Jon i tumusi 1:17

Un o Moses, o God i pitar tar a Warkurai torom dat, ikut un o Iesu Karisito i pitar tar a marmaris ma a lingmulus torom dat.

A Wakak na Wasiso un o Iesu Karisito o Jon i tumusi 15:22

“Ra gunuk kan nanpat ma kan wasiso torom det, ka din takun det una nundet a kum sakino petutna, ma det in langolango ut. Ikut uniri, katu wasiso anundet sur det in wasiso bat det nami gusun anundet a sakino petutna.

Aposel 7:38

O Moses i kis tomo nama kum tumtubun dat tagun numugu, a taro Israel, una nubual kalako taro uni. Ra a ensel i wasiso toromi una Tangai Sainai. O Moses i los pas a wasiso na nilaun, ma i tumus ukai tari sur anundat uniri.

Aposel 7:53

Mot ra mot sa los ukai a Warkurai anun o God, ra a kum ensel det pitar tari torom mot, ikut ka mot muri.”

A Pas anun o Pol torom a taro Rom 2:13

Uni, awu sur det rop ra det longoro a Warkurai det tokodos umatan o God, awu. Det kut ra det mur rop a Warkurai, din watung det a kum tene tokodos.

A Pas anun o Pol torom a taro Rom 4:15

Uni a kankan anun o God i kis un det ra det nem na mur a kum Warkurai, ikut ka det mur sot pasi. Ra kalako kum Warkurai, ka din takun taio lena i lakai warkurai.

Galesia 3:16

Lenkutkai ra, o God i sa uliliman taru torom o Abaram ma torom o nutunu. O God awu sur i watungi lena, “torom a kum nutnutunu.” Gunuk ra in watungi torom a kum nutnutunu, a kukuraino ra a susut na taro. Ikut i watungi lenri, “torom o nutunu,” a kukuraino lena ara musano kut, i a Karisito.

Ibru 2:2

A kum wasiso ra numugu a kum ensel det wasiso talapor nami i tur sikot. Ra taio ke muri o i pitarngat kut, din pitar tar a warkurai na minabalu toromi, ra i elar nam anun a pitarngat.

Ibru 2:5

A matok na rakrakon bual ra numur in nanpat, ra uniri dat wasiso uni, o God ke ubek tari utuntudu ina warkurai anun a kum ensel.