Galesia 3:17 - Nupela Testamen long tokples Kandas

¹⁷ Iri a kukurai ina nung a wasiso: O God i uliliman mugu taru torom o Abaram, nama kum utna ra in pam sot pasi ut. A kum Warkurai, ra det wanpat a wat na mar ma tulu noino kilalo numur, ka det pukus lar pas a liliman anun o God torom o Abaram.

Galesia 3:17 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 1:17

Un o Moses, o God i pitar tar a Warkurai torom dat, ikut un o Iesu Karisito i pitar tar a marmaris ma a lingmulus torom dat.

Aposel 7:6

Ra o God i watungi tano lena, ‘A kum tumtubum numur tam, det in kis na usiro una usiro na tamon, ma det in papam na karabus, ma din ban laulau det a wat na mar na kilalo.

A Pas anun o Pol torom a taro Rom 3:25

O God i pitar ru o Iesu, sur in mat ma a gapino in unus ru a kum sakino petutna anun a taro rop ra det nurnur uni. Ma a gapino in urop ru a kankan anun o God gusun det. I pami lenri, sur in ese anun a tokodos na petutna. Uni numugu i madek ru i kut a sakino petutna anun a taro, ma ke warkurai det uni, kibino una balano molmol anunu torom det.

A Pas anun o Pol torom a taro Rom 3:3

I pepetlai ra ara taro Juda ka det nurnur? Ra ka det nurnur, pepetlai, i topasi sur in turbat o God sur gong i pam sot anun a wasiso?

1 Korin 1:12

An palos a kukurai ina wasiso ri lena: Ara taro tagun mot det watungi lena, “A mur o Pol,” ara taro det watungi lena, “A mur o Apolos,” ara taro det watungi lena, “A mur o Pita,” ma ara taro kai det watungi lena, “A mur o Karisito.”

1 Korin 1:17

Uni o Karisito ke tulu iau sur an baptaiso, awu. I tulu iau sur an warawai nama Wakak na Wasiso. Ma awu sur an warawai nama wasiso na mananos anun a taro, surko in lakro ru a dekdekin in nanai kutus anun o Karisito ra in utna oros kut.

1 Korin 10:19

Asau a kukurai ina nung a wasiso? A utna ra di etabor taru nami torom a torotoro na god, katu utna i gas uni, ma a torotoro na god ra di etabor toromi, i kai katu utna i gas uni.

1 Korin 7:29

A kum tistising, a watungi lenri, a du bung i sa milau. Turpasi uniri, a kum musano ra det nolin, det in laun lari ra ka det nolin.

2 Korin 1:20

Uni o Karisito i pam sot pas a kum liliman rop anun o God. Ra un o Karisito kut, dat pet lar pasi sur dat in watungi lena, “Amen,” ma dat in watung ulabo pas o God uni.

2 Korin 9:6

Mot in nuk pasi, osi ra i marut a lilik, in pasong pasi utkai a lilik. Ma osi ra i marut a susut, in pasong pasi utkai a susut.

Galesia 3:15

A kum tistising, an watung a wasiso elelar una magirandat torom mot. Ra lako ru musano der liliman taru ma der sa pam tar tu kunubus, katutaio melet mo in pukus lar pasi.

Galesia 3:21

Pepetlai, a Warkurai ma a liliman anun o God der ebar etalai? Awu! Gunuk a Warkurai in pitar a nilaun tan a taro, det in tokodos umatan o God uni det mur a Warkurai.

Galesia 5:16

Ra uniri, an watungi torom mot lena: Ra mot in mur a Tokodos na Nion, ka mot in mur a kum sakino nemnem ina pinimot.

Galesia 5:4

Ra mot nemi sur o God in watung mot a kum tene tokodos uni mot mur a kum Warkurai, mot sa kis susuaro gusun o Karisito. Mot sa wan gisen gusun a marmaris anun o God.

Epeses 2:12

Mot in nuk pasi lena, numugu ra mot kis gisen utmakai gusun o Karisito, mot awu sur a taro Israel, ma a kum kunubus ra o God i uliliman taru nami, awu sur anumot. Ma una numot a nilaun nin una rakrakon bual ka mot tasman o God, ma katu wakak na utna ra mot in kis langlang suri nama nurnur.

Epeses 4:17

Una risan a Labino, a inanos mot ma a utumarong mot lena, gong melet mo mot laun elar nama kum taro ra ka det nurnur. A nuknukin det ke topas tu utna.

Kolosi 2:4

A watungi lenri torom mot, sur gong taio i toro pas mot nam tu namnamin na wasiso.

Ibru 11:13

A taro rop ri det nurnur tuk ra det mat. Ra det laun nin upiso, ka det utur ukai a kum utna ra o God i sa uliliman tar det nami. Det tama i kut tagitiro bakbak, ma det gas pasi. Ma det watungi un det ut lena, det kis na usiro kut, ma det in laun lilik pas kut nin upiso.

Ibru 7:18

I mo ra, di sa rakon ru a mugano warkurai ra i wasiso una kum tene etabor, uni a warkurai ra, kalako dekdekino ma katu utna i gas uni.

1 Pita 1:20

O God i sa pilok pasi numugu utmakai ra ke ukisi utmakai a rakrakon bual, ma uniri, una kum ururop na bung, i sa wanpat sur in warut mot.