Galesia 2:21 - Nupela Testamen long tokples Kandas

²¹ A marmaris anun o God torom iau i labo doko, ma kan madek oros ru i kut. Ra gunuk o God in watung taio a tene tokodos, uni i mur a Warkurai, o Karisito i mat oros kut.”

Galesia 2:21 ပူးပေါင်းရင်းမြစ်များ

A Wakak na Wasiso un o Iesu Karisito o Mak i tumusi 7:9

O Iesu i watungi tan a kum Parisi ma a kum tene ususer tagun a Warkurai lena, “A lingmulus ut, mot sa rosumur gusun a Warkurai anun o God, sur mot in muri kut a kum etowo anun anumot a taro tagun numugu.

A Pas anun o Pol torom a taro Rom 10:3

Ka det unatino pas det utuntudu in o God, sur in watung det lena, det tokodos umatano, uni ka det tasman a kisapi ra o God i pitari, sur taio in tokodos umatano, ma det lari kut sur det in ese det lena det tokodos umatano.

A Pas anun o Pol torom a taro Rom 11:6

O God i sa pilok pas det una nun a marmaris ut, awu sur una kum pinapam ra det pami. Gunuk ra o God in pilok pas det kibino una kum pinapam ra det pami, awu sur a marmaris ra.

A Pas anun o Pol torom a taro Rom 4:25

O God i pitar ru o Iesu, sur in mat una nundat a kum sakino petutna, ma i ukatutur melet pasi gusun a minat, sur dat in tokodos umatan o God.

A Pas anun o Pol torom a taro Rom 8:31

I mo ra, asau mo dat in watungi una kum utna ri? Ra o God i kis tomo nam dat, osi mo in ebar tomo nam dat? Katutaio.

1 Korin 15:14

Gunuk ra o God ken ukatutur melet pas o Karisito gusun a minat, anumet a warawai in utna oros kut, ma anumot a nurnur kai in utna oros kut.

1 Korin 15:17

Gunuk ra o God ke ukatutur melet pas o Karisito gusun a minat, anumot a nurnur i utna oros kut, ma mot kis utmakai una numot a kum sakino petutna.

1 Korin 15:2

Ra mot pam ukai dekdek a wasiso ra a sa warawai taru nami torom mot, o God in ulaun pas mot nama Wakak na Wasiso ri. Ra awu, mot nurnur oros kut.

Galesia 2:16

Ikut, dat tasmani lena o God ke watung taio a tene tokodos uni i mur a kum Warkurai anun o Moses. Awu! O God in watung taio a tene tokodos uni i nurnur kut un o Iesu Karisito. Lenkutkai ra torom dat, dat nurnur un o Karisito Iesu, sur dat in tokodos umatan o God. Dat tokodos uni dat nurnur un o Karisito, ma awu sur i kibino uni dat mur a kum Warkurai. Uni o God ken watung taio a tene tokodos ra i mur a kum Warkurai.

Galesia 2:18

Ikut ra an muri melet a kum Warkurai ra a sa mana taru gusun det, i ese i lena iau a tene lakai warkurai.

Galesia 3:21

Pepetlai, a Warkurai ma a liliman anun o God der ebar etalai? Awu! Gunuk a Warkurai in pitar a nilaun tan a taro, det in tokodos umatan o God uni det mur a Warkurai.

Ibru 7:11

A pinapam anun a kum tene etabor torom o God, ra a kum tumtubun o Liwai, det ser pami, i ra a kibin a Warkurai anun o Moses ra o God i pitar tari torom a taro Israel. Ra gunuk a pinapam anundet in pet lari sur in unus ru a sakino petutna anun a taro, ka din sibo melet mo sur tu ngas na tene etabor gisen, elar nam o Melkisedek, ra awu sur i elar nam o Aron.