Galesia 2:19 - Nupela Testamen long tokples Kandas

¹⁹ “Uniri a sa tasmani lena kan tokodos uni a mur a kum Warkurai. A sa mat gusun det. A kum Warkurai ut i ubek tar iau una minat. A mat sur an laun sur o God.

Galesia 2:19 ပူးပေါင်းရင်းမြစ်များ

A Pas anun o Pol torom a taro Rom 4:15

Uni a kankan anun o God i kis un det ra det nem na mur a kum Warkurai, ikut ka det mur sot pasi. Ra kalako kum Warkurai, ka din takun taio lena i lakai warkurai.

A Pas anun o Pol torom a taro Rom 5:20

Ra o God i pitar tar a kum Warkurai, a sakino petutna anun a taro i lubung. Ikut ra a sakino petutna i lubung, a marmaris kai anun o God i labo tauni.

A Pas anun o Pol torom a taro Rom 6:11

Lenkutkai ra, mot in nuk pas mot lena mot sa mat gusun anumot a kum sakino petutna, ma mot, ra tagun o Karisito Iesu, mot laun sur mot in mur a nemnem anun o God.

A Pas anun o Pol torom a taro Rom 6:14

Ka mot in kis melet mo utuntudu ina dekdekin a sakino petutna, uni ka mot kis mo utuntudu ina kum Warkurai. Uniri mot sa kis utuntudu ina marmaris anun o God.

A Pas anun o Pol torom a taro Rom 6:2

Awu! Dat mat gusun anundat a sakino petutna. Dat in laun pepetlai melet mo uni?

A Pas anun o Pol torom a taro Rom 7:14

Dat tasmani lena, a kum Warkurai anun o God, a kum utna na nion. Ikut iau a musano kut taginin upiso, ma a sakino petutna i ker tar iau sur an tene ititula anunu.

A Pas anun o Pol torom a taro Rom 7:4

Lenkutkai ra torom mot, a kum tistising, ra o Karisito i mat, mot kai mot mat tomo nami. I mo ra mot kai mot langolango gusun a kum Warkurai, sur mot tagun ara gisen, o Karisito, i ra i sa katutur melet gusun a minat. Dat tagun o Karisito, sur dat in wu a windat sur o God in gas nami.

A Pas anun o Pol torom a taro Rom 8:2

Uni, ra iau tagun o Karisito Iesu, a dekdekin a Tokodos na Nion, ra i ser pitar a nilaun, i ulangolango pas iau gusun a dekdekin a sakino petutna, ra i pitar a minat tang.

1 Korin 10:31

Lenra, ra mot wangon, o mot inum, o tu ngas na utna kai mot pami, mot in pami sur mot in ulabo pas o God nami.

1 Korin 9:20

Ra a kis tomo nama taro Juda, a muri ut a ngas na nilaun anun a taro Juda, sur an ben pukus pas det torom o Karisito. Ka kis utuntudu ina Warkurai anun o Moses. Ikut, ra a kis tomo nama taro ra det kis utuntudu ina Warkurai anun o Moses, a pitar tar iau sur an kis utuntudu ina Warkurai ra, sur an ben pukus pas det torom o Karisito.

2 Korin 5:15

I mat sur dat rop, sur dat ra dat laun, gong dat laun sur dat in ugasgas pas dat ut. Dat in laun sur o Karisito, ra i mat sur in ulaun pas dat, ma i katutur melet gusun a minat.

Galesia 2:20

Di sa ukete tomo tar iau nam o Karisito unin nanai kutus, ma awu sur iau mo ri a laun, o Karisito mukut i laun un iau. A laun nama pining, ikut a laun nama nurnur una Nutun o God, ra i maris iau ma i pitar tar anun a nilaun sur in ulaun pas iau.

Galesia 3:10

Det ra det nuki lena, det in mur a kum Warkurai sur o God in watung det a kum tene tokodos, a dekdek na kankan anun o God i sa kis un det. Uni di sa tumus tari una Buk Tabu lena, “A dekdek na kankan anun o God i kis un det rop ra ka det mur sot pas a kum warkurai rop ra di sa tumus tari una Buk na Warkurai.” Lo 27:26

Galesia 3:24

A Warkurai i elar kut nama tene tamtamabat torom dat, sur in ben dat torom o Karisito, sur dat in nurnur uni, ra o God in watung dat lena dat tokodos.

Galesia 6:14

Iau ut kan warango pas iau. An warango pasi kut anundat a Labino o Iesu Karisito ra i mat unin nanai kutus. Uni unin nanai kutus, a petutna anun a rakrakon bual i mat gusun iau, ma iau kai, a sa mat gusun a kum petutna anun a rakrakon bual.

Kolosi 2:20

Mot sa mat tomo nam o Karisito, ma mot sa langolango gusun a kum etowo tan a kum laulau na nion tagun a rakrakon bual. Asau a kibino ra mot laun melet kut elar nam mot taginin una rakrakon bual ma mot mur a kum warkurai taginin? A kum warkurai lenri:

Kolosi 3:3

Uni mot sa mat gusun a ngas na nilaun tagun a rakrakon bual, ma uniri anumot a nilaun i kis eno tomo nam o Karisito, un o God.

1 Tesalonaika 5:10

I mat un dat, sur dat in laun tomo nami, ra in nanpat melet. Dat rop, det ra det laun utmakai ma det ra det sa mat.

Taitus 2:14

I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.

Ibru 9:14

Ra i lingmulus lena di gos talapor a taro lenra, i lingmulus sakit ra a gapin o Karisito i gos talapor dat! Una dekdekin a Tokodos na Nion ra i kis tukum, o Karisito i pitar tar anun a nilaun torom o God. Anun a nilaun katu dur uni. Ra a gapino i gos talapor anundat a nilaun gusun a kum minat na pinapam ra dat in iru uni, sur dat in papam torom o God ra i laun.

1 Pita 2:24

O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot.

1 Pita 4:6

Iri a kibino ra di sa warawai taru nama Wakak na Wasiso torom a taro ra uniri det sa mat. Ra det mat det los a warkurai una pinindet, elar nama taro rop, ikut di warawai torom det sur a niondet in laun elar nam o God i laun.