Galesia 2:15 - Nupela Testamen long tokples Kandas

¹⁵ “Di usus dat a kum te Juda, awu sur dat elar nama taro ra awu sur a taro Juda, ra dat ser watung det lena a kum tene sakino.

Galesia 2:15 ပူးပေါင်းရင်းမြစ်များ

Matiu 9:11

Ra a kum Parisi det tama i, det ting anun a kum nat na ususer lena, “Sur asau ra anumot a tene ususer i wangon tomo nama kum tene los takis ma a kum tene sakino?”

Luk 24:7

I sa watung tari lenri, ‘Din pitar tar a Nutun a Musano una laman a laulau na taro, ma din sak wati unin nanai kutus. Ra a tulu bung in rop in katutur melet.’”

Aposel 22:21

Ikut a Labino i watungi torom iau lena, ‘Un nan, an tulu bakbak ru ui utong torom a taro ra awu sur a taro Juda.’”

A Pas anun o Pol torom a taro Rom 3:9

Asau ra dat in watungi una utna ri? Pepetlai, met a taro Juda met tokodos taun a taro gisen? Awu ut! A sa watung tari lena, a kum te Juda ma a taro gisen kai det elar kut. Dat rop dat kis utuntudu ina sakino petutna.

A Pas anun o Pol torom a taro Rom 4:16

I mo ra a utna ra o God i uliliman tari, in pitari torom det ra det nurnur. O God i pami lenra, sur in elar nama etabor na marmaris, ma in nan ut torom a kabotaro rop anun o Abaram. Awu sur torom a taro Juda kut ra di pitar tar a kum Warkurai tandet. Awu! Torom det utkai ra det nurnur elar nam o Abaram, i ra a tamandat rop.

Galesia 2:17

“Umatan a taro Juda dat a kum tene sakino, uni dat nurnur un o Karisito, sur dat in tokodos umatan o God, ma ka dat mur a kum Warkurai, sur dat in tokodos umatano. Pepetlai, o Karisito i a kibino ra dat a kum tene sakino? Awu ut!

Epeses 2:3

Numugu, dat kai dat laun elar nama taro na pitarngat. Dat kai dat ugasgasi kut a pinindat, ma dat mur a kum nemnem ina pinindat ma a nuknukin dat. Di usus pas dat kai a kum tene sakino ut, ma a kankan anun o God i kis un dat, elar nami ra i kis un det a taro na pitarngat.

Pilipai 3:4

Ra gunuk a pinapam anun a taro i ulaun dat, iau ut an pet lar pasi sur an nurnur uni. A kum pinapam ra det nurnur uni, iau a wakak doko taun det.

Taitus 3:3

Uni dat kai numugu, ka dat mananos, dat a kum tene pitarngat, dat wan raro, dat karabus una nundat a kum laulau na nemnem, ma a wur ngas na utna rop ra dat gas suri. Una nundat a kinkinis na nilaun dat pam a kum sakino, ma dat nuknuk laulau sur a utna anun taio, ma dat nget etetalai dat.