Galesia 2:14 - Nupela Testamen long tokples Kandas

¹⁴ Ra a tama i lena, a utna ri, det pami ke elar nama lingmulus ina Wakak na Wasiso, a watungi torom o Pita umatandet rop lena, “Pita, ui a te Juda, ikut u laun elar nama taro ra awu sur a taro Juda. Asau a kibino ra u ungongos pas a taro gisen sur det in mur a kum petutna anun a taro Juda?

Galesia 2:14 ပူးပေါင်းရင်းမြစ်များ

Aposel 10:28

Ra i watungi tandet lena, “Mot tasmani lena i tabu una numet a warkurai sur met a kum te Juda met in lason tomo nam taio ra awu sur a te Juda, ma met in lumu i kai. Ikut uniri o God i sa ese tar iau lena, gong a watungi un taio lena i dur umatan o God, ma gong a nuki lena i tabu torom met sur met in lason tomo nami.

Aposel 15:1

A ramano taro tagisapat una papor Judia det wan utong o Antiok, ma det ususer det ra det tar tistisino una nurnur lena, “Ra ka din tok talilis a pinimot elar nama Warkurai anun o Moses, ka din ulaun mot.”

Aposel 15:24

Met sa longoro tari lena ara taro tagun met, det ulokolokor mot ra det watungi lena mot in mur a kum Warkurai rop anun o Moses, ma det utalara a nuknuki mot nami. Awu sur met ra met tulu det.

Aposel 15:5

A ramano kum Parisi ra det nurnur un o Iesu, det katutur ra det watungi lena, “I tokodos ut sur din tok talilis a pinin a taro ra awu sur a taro Juda ra det nukpukus. Ma din ususer det, sur det in mur a Warkurai anun o Moses.”

A Pas anun o Pol torom a taro Rom 14:14

Uni iau tagun a Labino o Iesu, a tasman mulusi lena, katu utna na inangon in ban ling tar dat sur dat in laulau umatan o God. Ikut, ra taio i nuki lena in laulau umatan o God ra in nan tu ngas na utna, i ut i tasmani lena ke tokodos toromi sur in nani.

Galesia 1:18

Ra a tulu kilalo i sa rop, a wan maragom usapat o Jerusalem sur an tama o Pita, ma a kis tomo nami a noino ma limo na bung.

Galesia 1:6

A kisin doko lena, ke suano i ra mot sa wan gisen pas gusun o God, i ra i kabo pas mot una marmaris anun o Karisito. Ra uniri, mot sa tupukus sur a se etowo.

Galesia 2:3

Mir kis tomo nam o Taitus, a te Grik, ikut ka det ungongos pasi sur din tok talilis a pinino, elar nama Warkurai anun a taro Juda.

Galesia 2:5

Ikut, ka met mulaot pas a wasiso anundet, sur met in mur a warkurai na tinotok talilis. Met nemi sur a lingmulus ina Wakak na Wasiso in kis ut torom mot, ma ken senene.

Galesia 2:7

Det tama lele i ra o God ut i pitar tar a pinapam ri tang, sur an warawai nama Wakak na Wasiso torom det ra awu sur a taro Juda, elar nam o Pita kai, ra o God i pitar tar a pinapam toromi sur in warawai nama Wakak na Wasiso torom a taro Juda.

Galesia 2:9

O Jems, o Pita ma o Jon, ra a taro det watung detul nama tulu mugumugu, detul tama i ra o God i tabor iau nama marmaris, ma detul mulaot pas mir nam o Banabas sur mir in papam. Detul mulaot sur mir in nan torom a taro ra awu sur a taro Juda, ma detul, detul in nan torom a taro Juda. Ra detul gas pas mir ra met sikan, uni met ara kut una pinapam.

Galesia 6:12

A taro ra det ungongos pas mot sur din tok talilis mot, det pami kut uni det nem na ulabo pas det umatan a taro. Det pami lenra uni det ngara. Uni det nuki lena, ra det in warawai una nurnur unin nanai kutus anun o Karisito, din ukadik det.

Kolosi 1:5

Anumot a nurnur ma a marmaris ri, i kibino una numot a kinkinis langlang tomo nama nurnur sur a utna, ra o God i tamtamabati sur mot sapat una langit. A utna ra, mot sa longoro tar a wasiso uni, una lingmulus na wasiso, i a Wakak na Wasiso,

1 Timoti 5:20

Ra tu mugumugu in pam a sakino petutna, un ukodosi umatan a taro na lotu rop, sur in utumarong lako taro kai tagun det.

Ibru 12:13

Ma “mot in nanan una tokodos na kisapi,” Snd 4:26 sur a kikimot ra ke dekdek gong i tikiras, in wakak melet kut.

Ibru 9:10

A kum warkurai ri tagun a inangon ma a ininum ma a kum pinapam na gos talapor a taro umatan o God. Det a kum warkurai kut tagun a pinindat. Det tur kut, tuk una bung ra o God i umatok a kum utna.