Galesia 1:2 - Nupela Testamen long tokples Kandas

² A kum tistising rop ra met kis tomo nin, det mulaot tomo nam iau sur an tumus a pas ri torom mot, a kum tene nurnur rop tiro una papor Galesia.

Galesia 1:2 ပူးပေါင်းရင်းမြစ်များ

Aposel 15:41

Ra der wan tuptupukus epotor una papor Siria ma una papor Silisia, ma der udekdek a taro na lotu una kum tamon.

Aposel 18:23

Ra i sa kis pas a susut na bung tiro iai, i wan melet pas gusun det. Ra i wan tuptupukus una kum tamon una ru papor Galesia ma o Pirigia, ma i udekdek a nurnur anun a taro na ususer rop.

Aposel 9:31

Numur a taro na lotu tong una tulu papor Judia, Galili ma o Samaria, det kis na malmal. Det kis nama urur torom a Labino, ra a Tokodos na Nion i uragot det. Ra a niluluk ina taro na nurnur i labo nanan.

1 Korin 16:1

An inanos mot un asau ra mot in pami nama mani ra mot woro tomo i sur a taro anun o God ra det kis sapat o Jerusalem. Mot in pami elar nami ra a sa inanos tar a taro na lotu una kum tamon tong una papor Galesia sur det in pami.

Galesia 3:1

A taro Galesia, mot a kum longlong! Osi mo ra i sangsagor, ra i ulokolokor a nuknuki mot? A sa inanos talapor tar mot una minat anun o Iesu Karisito unin nanai kutus, i elar nami ra mot ut mot tama i.

Pilipai 2:22

Ikut mot sa tasman tar a magiran o Timoti, ra i papam tomo nam iau una warawai nama Wakak na Wasiso elar nama nat ra i papam tomo nam o tamano.

Pilipai 4:21

Mot in pitar anung a marmaris torom a taro rop anun o Karisito Iesu. A kum tistising una nurnur ra det kis tomo nam iau, det pitar anundet a marmaris torom mot.