Epeses 6:5 - Nupela Testamen long tokples Kandas

⁵ Mot a kum tene ititula, mot in mur a wasiso anun anumot a kum mugumugu taginin una rakrakon bual, ma mot in ngara ma mot in urur torom det. Mot in pami nama lingmulus unin balamot, elar nami ra mot mur a wasiso anun o Karisito.

Epeses 6:5 ပူးပေါင်းရင်းမြစ်များ

Matiu 6:22

“Arin matandat der elar nama lam tagun a pinindat. Ra arin matam der wakak, a pinim rop in bukus nama talapor.

Matiu 6:24

“Katutaio in pet lar pasi sur in papam torom lako ru mugumugu. In nget ara pasander, ma in nem ara pasander, in nem doko ara, ma in rosumur gusun ara. Ka mot in papam lar pas torom o God ma torom a mani kai.

Matiu 8:9

Uni iau a musano ra a ser mur a warkurai anundet ra det labo tang, ma di pitar tar a warkurai kai tang sur a taro na inaim. Ra an watungi tan taio lena, ‘Un nan,’ in nan kut. Ma torom taio kai lenri, ‘Un nan urin,’ in nan kut urin. Ma torom anung a tultul lena, ‘Un pam a utna ri,’ in pami kut.”

Aposel 2:46

Det ser kis tomo ubalan in noworo ina rumu na etabor una kum bung rop. Ra det ser wangon tomo una nundet a kum rumu nama gasgas ma a lingmulus ubalandet.

A Pas anun o Pol torom a taro Rom 9:3

Ra gunuk an pet lar pasi, a nemi sur an tur keles a kum tistising, anung a taro Juda, ma din ubek tari mukut anundet a warkurai na minabalu un iau, ma din rakon ru iau gusun o Karisito, sur din ulaun pas det.

1 Korin 2:3

Ra a wanpat torom mot, katu dekdeking, a ngara ma a neneder doko.

1 Korin 7:22

Uni i ra a tene ititula ra a Labino i sa kabo pasi, i a langolango na musano mo anun a Labino. Lenkutkai ra, i ra awu sur a tene ititula ra a Labino i sa kabo pasi, i a tene ititula mo anun o Karisito.

2 Korin 1:12

Iri a utna ra met warango met nami: a balamet ke takun met un tu utna, uni met tasmani lena, ka met toro, met muri ut a tokodos na petutna tan o God, una numet a nilaun nin upiso, ma una numet a kinkinis tomo nam mot. Ka met mur a mananos anun a taro, met papam murmuri ut a marmaris anun o God.

2 Korin 7:15

O Taitus i gas doko un mot, ra i nuk pasi ra mot rop mot mur anun a wasiso ma mot gas pasi nama nginara.

Epeses 5:22

Mot a kum nolin na ino, i wakak sur mot in ser unatino pas mot torom anumot a kum musano elar nami ra mot ser unatino pas mot torom a Labino.

Epeses 6:24

A marmaris torom det rop ra det nem anundat a Labino o Iesu Karisito nama marmaris ra ken rop.

Pilipai 2:12

A kum wakak na paspasang, mot ser mur anung a wasiso una kum bung ra a kis tomo nam mot. I mo ra uniri, ra ka kis tomo nam mot, i wakak sur mot in muri ma mot in dekdek uni, sur mot in ser ese i una numot a nilaun lena, o God i sa ulaun pas mot. Mot in dekdek ma mot in neder ma mot in ngara sur mot in ese i lena o God i sa ulaun pas mot.

Pilimon 1:16

Uniri ken elar melet mo nama tene ititula, in elar nama tisimlik mulus una nurnur. A nem doko i, ikut a tasmani lena, anum a marmaris toromi i labo taun a marmaris ra a marisi nami, uni, i anum a tene pinapam ma a tisimlik kai una Labino.

1 Pita 3:2

ra det tama lele anumot a tokodos na petutna ma a urur ra mot ser pami.