Epeses 6:14 - Nupela Testamen long tokples Kandas

¹⁴ Mot in tur dekdek, mot in ker ukai mot nama lingmulus, elar nama let. Ma mot in emar nama tokodos na petutna, elar nama du pino aen ra a tene inaim i ubek bat a romrobono nami.

Epeses 6:14 ပူးပေါင်းရင်းမြစ်များ

Luk 12:35

“Mot sa emar pas, ma mot sa ungangon pas anumot a kum lam, gong mot dumun, mot in kis na waninar mukut.

A Pas anun o Pol torom a taro Rom 13:12

I sa labino mirum pas, ma milau mo in waspi. I mo ra dat in lakro ru i mo a kum pinapam tagun a dumirum, ma dat in emar pas nama kum utna na inaim tagun a talapor.

2 Korin 6:7

Met watung a lingmulus, ma met papam nama dekdekin o God. Met pam ukai a tokodos na petutna, elar nam anumet a utna na inaim una sot na lamamet ma una kair kai.

Epeses 5:9

Uni a nilaun anun o naro ra i kis una talapor i wu a wino lenri: a kum wakak na petutna, a kum tokodos na petutna, ma a lingmulusino.

Epeses 6:13

I mo ra mot in emar nama kum ememar na inaim rop anun o God, sur mot in pet lar pasi sur mot in tur dekdek, ra a laulau na bung in nanpat. Ra mot sa waninar pas mot lenra, mot in tur dekdek.

1 Tesalonaika 5:8

Ikut dat tagun a waspi, i wakak sur dat in tamtamabat wakak anundat a nilaun. Dat in emar nama nurnur ma a marmaris sur in tamtamabat dat, elar nama du pino aen ra a tene inaim i ubek bat a romrobono nami. Ma dat in emar kai nama kinkinis langlang nama nurnur sur o God in ulaun dat, elar nama tene inaim i ubek bat in lorino nama kukup na inaim.

1 Pita 1:13

I mo ra, mot in waninar a nuknuki mot sur a pinapam ra mot in pami, mot in tamtamabat wakak anumot a nilaun, ma mot in kis langlang nama nurnur mulus sur a utna ra o God in tabor mot nami, ra o Iesu Karisito in nanpat puaso.

Tamtama 9:17

Una nung a tamtama, a kum os ma det ra det kis netes un det, det tamtama lenri: A kum utna ra det ubek bat a kum romrobon det nami, i merek elar nama sungun, i bulu ma i lupu elar nama salfa. A lorin a kum os det elar nama lorin a kum laion. A sungun, in nimis ma a salfa detul pirso tagun a kum wandet.

Tamtama 9:9

Di ubek bat a kum romrobon det nama kum utna ra i tamtama elar nama du pino aen ra a tene inaim i ubek bat a romrobono nami. A wungu ina kum mebendet i elar nama wungu ina susut na karis ma a susut na os ra det kalabor lakit sur a inaim.