Epeses 5:6 - Nupela Testamen long tokples Kandas

⁶ Gong mot madek tar taio sur in toro pas mot nam tu wasiso oros kut. Uni a kum petutna ra, in dat pas a kankan anun o God torom det ra det pitarngat.

Epeses 5:6 ပူးပေါင်းရင်းမြစ်များ

Matiu 24:24

Uni lako kum torotoro na Karisito, ma lako kum torotoro na poropet det in nanpat. Det in pam lako kum labino ukinalong ma lako kum utna na ukisin sur det in toro pas a taro ra o God i sa pilok pas det, raut ko det in pet lar pasi. Ikut ka det in pet lar pasi.

Matiu 24:4

O Iesu i balu det lena, “Mot in tumarong, sako taio in toro pas mot.

A Wakak na Wasiso un o Iesu Karisito o Mak i tumusi 13:22

Uni lako kum torotoro na Karisito, ma lako kum torotoro na poropet det in nanpat. Det in pam lako kum ukinalong ma lako kum utna na ukisin sur det in toro pas a taro ra o God i sa pilok pas det, raut ko ra det in pet lar pasi. Ikut, ka det in pet lar pasi.

A Wakak na Wasiso un o Iesu Karisito o Mak i tumusi 13:5

O Iesu i inanos det lena, “Mot in tumarong, sako taio in toro pas mot.

A Pas anun o Pol torom a taro Rom 1:18

O God i upuaso anun a kankan tagisapat una langit, uni a taro ka det mur a petutna ra i wakak umatano, ma det pam a sakino, ma una nundet a kum sakino petutna, det turbat a lingmulusino.

Kolosi 2:18

Ara taro det ser toro lena, det unatino pas det una nundet a ngas na lotu, ma det ser lotu torom a kum ensel, ma det ser wasiso una kum ririon ra det tama i. Gong mot madek tar det sur det in takun mot. Uni a ngas na musano ra, i uman labino kut nama nuknukino, ma a nuknukino i bukus nama kum laulau na nemnem ina pinino.

Kolosi 2:4

A watungi lenri torom mot, sur gong taio i toro pas mot nam tu namnamin na wasiso.

Kolosi 2:8

Mot in tumarong mot, sur gong taio i ukarabus mot nama mananos anun a taro kut, ra i a etowo oros kut ma a torotoro. A mananos ra, i wanpat kut tagun a kum etowo anun a kum tumtubun det tagun numugu, ma tan a kum laulau na nion tagun a rakrakon bual, ma awu sur tan o Karisito.

Kolosi 3:6

Ra a kankan anun o God in nanpat torom a taro uni det pam a kum petutna ri.

2 Tesalonaika 2:3

Gong mot madek tar taio sur in toro mot nam tu wasiso o tu kisapi sur mot in muri. Uni a bung ra, ken nanpat utmakai, tuk ut ra, lako susut na taro det in rosumur gusun o God, ma a tene lakai warkurai in nanpat pupuaso, i ra, numur in iru.

Ibru 13:9

Gong mot mur a kum wur ngas na etowo ra i ben raro mot. I wakak ra a marmaris anun o God in udekdek a niondat. Ra dat mur a kum warkurai una utna na inangon, ken udekdek a niondat, ma ken warut det ra det ser mur a kum warkurai ra.

Ibru 3:19

I mo ra dat tama i lena ka det pet lar pasi sur det in ruk una nun a tamon na mana, uni ka det nurnur.

1 Pita 2:8

“A wat ra, a taro det in tutuka uni, ma det in puku.” Ais 8:14 Det tutuka uni, uni det pitarngat una wasiso anun o God. Ra det pami lenra, anun a wasiso ra i watung tari numugu un det, i sot un det.

1 Jon 4:1

A kum wakak na paspasang, gong mot nurnur oros un taio ra i watungi lena a Tokodos na Nion i pitar tar a wasiso toromi. I wakak sur mot in lari munung a kum nion, ra det tagun o God o awu. Uni, a susut na torotoro na poropet kuri det una rakrakon bual.