Epeses 5:26 - Nupela Testamen long tokples Kandas

²⁶ sur det anun a taro mulus. Ma i rus talapor det nama danim ma anun a wasiso.

Epeses 5:26 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 13:10

O Iesu i watungi tano lena, “Osi ra i sa rurus pas, a pinino rop i sa talapor, din gos tar aru kikino mukut. Mot, mot sa talapor, ikut, awu sur mot rop.”

A Wakak na Wasiso un o Iesu Karisito o Jon i tumusi 15:3

Mot sa talapor, kibino una wasiso ra a sa watung tari tamot.

A Wakak na Wasiso un o Iesu Karisito o Jon i tumusi 15:8

“Ra mot in wu a susut na wimot, o Tita in los a minamar, ma a wimot in ese i lena mot anung a kum nat na ususer mulus.

A Wakak na Wasiso un o Iesu Karisito o Jon i tumusi 17:7

Uniri, det sa tasmani lena a kum utna rop ra u pitar tari tang, i wanpat mulus ut tagisapat tam.

A Wakak na Wasiso un o Iesu Karisito o Jon i tumusi 3:5

Ra o Iesu i balu i lena, “A inanos ui nama lingmulus, osi ra ka di usus matoki una danim ma una nion, ken ruk lar pas una matanitu anun o God.

Aposel 22:16

Ra sau mo ra u kis pasi? Un tur, ma din baptaiso ui, ma una risano, un wararing sur din unus ru anum a kum sakino petutna.’

Aposel 26:18

Un utamtama det sur det in tupukus gusun a dumirum sur a talapor, ma gusun a dekdekin o Satan sur o God, sur din unus ru anundet a kum sakino petutna. Det in nurnur un iau, ma una nundet a nurnur, det in kis tomo nam det ra o God i sa pilok pas det sur anun a taro.’

A Pas anun o Pol torom a taro Rom 10:8

A kukurai ina wasiso ri i lenri, “A wasiso anun o God i sa milau. Kura ut uwamot, ma ubalamot kai.” Lo 30:12-14 Iri a wasiso una nurnur ra met warawai nami.

1 Korin 6:11

Ara taro tagun mot, numugu mot ser pam a kum ngasino ri. Ikut, una risan a Labino o Iesu Karisito, ma una Nion o God anundat, o God i sa gos talapor pas mot gusun anumot a kum sakino petutna, sur mot anun a taro, ma i sa watung mot lena mot tokodos umatano.

2 Korin 11:2

A ngara doko un mot, elar nam o God i ngara un mot, sako mot in nan gisen gusun o Karisito. A sa ubek bat tar mot sur mot anun o Karisito, elar nama wakak na toraro ra kabaut i kis tomo nam tu musano.

Epeses 6:17

Ma mot in nuk pasi ra o God i sa ulaun pas mot, elar nama tene inaim i ubek bat in lorino nama kukup na inaim. Ma mot in los pas in totok na inaim anun a Tokodos na Nion, i a wasiso anun o God.

Kolosi 3:16

I wakak ra a wasiso anun o Karisito in kis sikot ubalamot ma in bukus. Mot in ususer etetalai mot nami, ma mot in udekdek etetalai mot kai nami tomo nama mananos rop. Ma mot in kelekele nama wasiso anun o Karisito ra mot kele a Kum Kelekele anun o Dewid, ma a kum kelekele na lotu, ma a kum kelekele ra a Tokodos na Nion i tabor mot nami. Ra mot in kelekele nama watung wakak torom o God ubalamot.

Taitus 2:14

I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.

Ibru 10:10

O Iesu Karisito i mur sot pas a nemnem anun o God ra i pitar tar a pinino ut, sur a etabor torom o God. I pitar tari ara dino kut ma ken pam meleti mo. Ra anun a etabor ra i gos talapor pas dat umatan o God.

Ibru 10:14

Uni, una ra etabor takai kut, i sa utokodos tukum pas a taro anun o God, det ra i ser gos talapor det.

Ibru 10:22

I mo ra, dat in nan milau o God nama lingmulus unin balandat ma a nurnur mulus, ma a nuknukin dat ra i langolango gusun a kum etakun una kum sakino petutna, uni o Iesu i sa lamir talapor tari nama gapino. Dat in nan milau i nama pinindat ra i sa gos tari nama danim ra i talapor.

Ibru 10:29

Ikut a warkurai na minabalu in dekdek sakit taun a minabalu ra, torom taio ra in pas tataun a Nutun o God, ma i nuki lena a gapin a kunubus, ra di sa rus talapor tari nami, i a utna oros kut, ma i watung laulau a Tokodos na Nion ra i pitar a marmaris.

Ibru 13:12

Lenkaira o Iesu i taramo a ngunungut ma i mat nago upiso tan a matansako ina labino tamon, sur in gos talapor a taro nama gapino ut, sur det a taro anun o God.

Ibru 4:12

Uni a wasiso anun o God i laun ma i papam. I wangon doko taun in totok na inaim ra aru paporino der wangon. I ruk ra i totok tuk una nubual ra a niondat ma a balandat der etorom iai, ma tuk una nubual ra a kum sur det tugus tomo iai. Ma i kuro a kum nuknuk ma a kum nemnem nin ubalandat.

Ibru 9:14

Ra i lingmulus lena di gos talapor a taro lenra, i lingmulus sakit ra a gapin o Karisito i gos talapor dat! Una dekdekin a Tokodos na Nion ra i kis tukum, o Karisito i pitar tar anun a nilaun torom o God. Anun a nilaun katu dur uni. Ra a gapino i gos talapor anundat a nilaun gusun a kum minat na pinapam ra dat in iru uni, sur dat in papam torom o God ra i laun.

Jems 1:18

Una nun a nemnem ut, o God i usus matok dat nam anun a lingmulus na wasiso. I pilok pas dat gusun a kum utna na ukukis rop, sur dat in elar nama kum mugano wino duwai ra di ser etabor nami torom o God.

1 Pita 1:2

O God a Tamandat i sa pilok pas mot ra i sa tasman mugu tar mot, ma a Tokodos na Nion i umatok pas mot sur mot a taro anun o God, sur mot in mur a wasiso anun o Iesu Karisito, ma in rus mot nama gapino. A marmaris ma a malmal in kis torom mot, ma in labo sakit.

1 Pita 3:21

In nolomom i tur ukinalong a baptais ra i ulaun mot uniri. Ka di baptaiso mot sur din rus ru a dur tagun a pinimot, awu. A baptais i elar nami ra mot pitar tar mot torom o God ma mot tasmani lena mot tokodos umatan o God. Ra i ulaun mot kibino una katutur melet anun o Iesu Karisito gusun a minat.

2 Pita 1:9

Ikut, osi ra a kum ngasino ri ke kis uni, i sa gawul in matano ma i sa pulu, ma i sa dumano ru i lena o God i sa gos talapor tari gusun a kum sakino petutna ra i pam tari.

1 Jon 5:6

O Iesu Karisito i wanpat nama danim ma a gap. Awu sur i wanpat kut nama danim, i wanpat nama danim ma a gap. A Tokodos na Nion i wasiso talapor un o Iesu Karisito, uni a Tokodos na Nion i a lingmulus.

A Pas anun o Jud 1:1

Iau o Jud, a tultul anun o Iesu Karisito ma a tisin o Jems. A tumus a pas ri torom mot ra o God a Tamandat i sa kabo pas mot, ma i maris mot, ma mot kis una tamtamabat anun o Iesu Karisito.