Epeses 5:21 - Nupela Testamen long tokples Kandas

²¹ Mot in unatino pas mot torom mot etetalai, uni mot urur torom o Karisito.

Epeses 5:21 ပူးပေါင်းရင်းမြစ်များ

1 Korin 16:16

sur mot in unatino pas mot torom a ngas na taro lenra, ma torom det ra det papam tomo nam det, ma det dekdek una pinapam ra.

2 Korin 5:11

I mo ra met papam doko sur met in ukatutur a nuknukin a taro sur det in nurnur, uni met ngara sur a Labino. O God i talapor un met lena, met osi na ngas na taro, ma a nurnur lenri mot kai mot talapor un met.

2 Korin 7:1

A kum wakak na paspasang, dat sa rakon pas a kum liliman ri, ra i wakak sur dat in utalapor pas dat gusun a kum utna rop ra i udur a pinindat ma a niondat. Ma dat in talapor rop, uni dat urur doko torom o God.

Galesia 5:13

A kum tistising, o God i sa kabo pas mot toromi sur mot in langolango mulus. Ikut gong mot nuki lena mot sa langolango sur mot in mur a kum sakino nemnem ina pinimot, awu. Mot in warut etetalai mot nama marmaris.

Epeses 5:22

Mot a kum nolin na ino, i wakak sur mot in ser unatino pas mot torom anumot a kum musano elar nami ra mot ser unatino pas mot torom a Labino.

Epeses 5:24

A kum nolin na ino det in ser unatino pas det torom anundet a kum musano una kum utna rop, elar nama taro na lotu det ser unatino pas det torom o Karisito.

Pilipai 2:3

Gong mot pam tu utna sur in warut mot ut, ikut ken warut ara taro kai. Gong mot pam tu utna sur mot in ulabo pas mot nami. Mot in unatino pas mot ma mot in nuk ulabo pas ara taro gisen.

1 Timoti 2:11

Ra a wardain det in los a etowo tagun a Buk Tabu, i wakak sur det in kis wowowon ma det in unatino pas det.

1 Timoti 3:4

I wakak sur in mugu wakak det tamtamano, ma in ususer a kum nutnutunu sur det in mur anun a wasiso nama urur.

Ibru 13:17

Mot in mur a wasiso anun anumot a kum mugumugu, ma mot in kis utuntudu ina anundet a warkurai, uni det tamtamabat mot, ma numur det in wasiso talapor umatan o God una nundet a kum pinapam torom mot. Ra mot in mur anundet a wasiso, det in gas una nundet a kum pinapam. Ikut, ra awu, det in papam nama tupunuk, ra ken warut mot.

1 Pita 2:13

I wakak sur mot in unatino pas mot torom det rop ra det pam ukai a warkurai nin upiso. Mot in pami uni a Labino i nemi lenra. Mot in unatino pas mot torom a king, i ra a labino mugumugu tagun a gapman.

1 Pita 2:17

Mot in urur torom a taro rop. Mot in nem a kum tistisi mot una nurnur, mot in ngara sur o God, ma mot in urur torom a king.

1 Pita 5:5

Lenkutkai ra, mot a kum barman ma a kum toraro, mot rop mot in ser unatino pas mot torom det a kum mugano tamot. Mot in unatino pas mot epotor tamot etetalai, i ra anumot a wakak na ememar. Uni a Buk Tabu i watungi lena, “O God i nget det ra det ser ulabo pas det, ikut i maris det ra det ser unatino pas det.” Snd 3:34