Epeses 5:19 - Nupela Testamen long tokples Kandas

¹⁹ Ma mot in wasiso etetalai nama kum kelekele tagun a Kum Kelekele anun o Dewid, a kum kelekele na lotu, ma a kum kelekele ra a Tokodos na Nion i tabor mot nami. Mot in kelekele ma mot in rakon lekeleke a Labino nama balamot.

Epeses 5:19 ပူးပေါင်းရင်းမြစ်များ

Matiu 15:8

‘A taro ri det ru iau kut nama wandet, ikut a balandet i bakbak doko gusun iau.

Matiu 26:30

Ra det sa kele tar a kelekele na lotu, det wan tito usapat una Tangai na Oliw.

Aposel 16:25

Una labino mirum, o Pol ma o Sailas der wararing, ma der kelekele torom o God. Ma a taro kai ra det kis una karabus, det longoro der.

1 Korin 14:15

Asau an pami? An wararing nama niong, ma an wararing kai nama nuknuking. An kelekele nama niong, ma an kelekele kai nama nuknuking.

1 Korin 14:26

A kum tistising, asau an watungi? Ra mot kis tomo una lotu, ara taro det in kelekele, ara taro det in ususer a taro, ara taro det in wasiso puaso un tu utna ra o God i sa ese tari tandet, ara taro det in wasiso nama wur ngas na wasiso, ma ara taro kai det in palos a kukuraino. A kum utna rop ri din pami sur in udekdek a taro na lotu.

Kolosi 3:16

I wakak ra a wasiso anun o Karisito in kis sikot ubalamot ma in bukus. Mot in ususer etetalai mot nami, ma mot in udekdek etetalai mot kai nami tomo nama mananos rop. Ma mot in kelekele nama wasiso anun o Karisito ra mot kele a Kum Kelekele anun o Dewid, ma a kum kelekele na lotu, ma a kum kelekele ra a Tokodos na Nion i tabor mot nami. Ra mot in kelekele nama watung wakak torom o God ubalamot.

Jems 5:13

Ra taio tagun mot i taramo a maut, i wakak sur in wararing. Ra taio i gasgas, i wakak sur in kele a kum kelekele na ulabo torom o God.

Tamtama 5:9

Ma det kele a matok na kelekele lenri, “Ui ut u tokodos sur un los pas a buk ma un papok ru a kum bulit gusuni, uni di um doko ui, ma u kul pukus pas a taro torom o God nama gapim, a taro tagun a kum kamkabo taro rop, tagun a wur ngas na wasiso rop, tagun a kum tamon rop ma tagun a kum gapman rop.