Epeses 5:18 - Nupela Testamen long tokples Kandas

¹⁸ Gong mot sipak nama wain, uni in ban laulau anumot a nilaun. Ikut, mot in bukus nama Tokodos na Nion.

Epeses 5:18 ပူးပေါင်းရင်းမြစ်များ

Matiu 23:25

“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot ser gos pasi kut a surun a kap ma a pelet, ikut a balander i bukus nama petutna na ungongos pas a utna tan taio, ma a ngasino ra ara i nuk pasi ut.

Matiu 24:49

in turpasi sur in um a kum tultul ra det papam tomo nami. Ma in nangon ma in inum tomo nama kum tene ininum.

Luk 1:15

uni in labo umatan a Labino. Ken inum a wain, o a dekdek na ininum. Ra ka din ususi utmakai i sa bukus nama Tokodos na Nion.

Luk 11:13

Mot a laulau na taro, ikut mot tasmani ut a wakak na etabor sur mot in tabor a kum nutnutu mot nami. Ra mot ser pami lenra, i lingmulus sakit lena, osi ra in saring a Tamamot ra i kis sapat una langit, in tabori ut nama Tokodos na Nion.”

Luk 12:45

“Ikut, ra a tultul i nuki lena, anun a labino ken nanpat lakit, ra i turpasi sur in um a kum tultul na musano ma a kum tultul na ino, ma in nangon, ma in inum ma in sipak.

Luk 21:34

“Mot in tumarong mot, sako mot in balon nama pam lukaro ma a ininum, ma a nginara sur a kum utna una nilaun nin upiso, ma a bung ra in nanpat kisin torom mot elar namin nukun.

A Wakak na Wasiso un o Iesu Karisito o Jon i tumusi 2:10

ma i watungi tano lena, “A taro rop det ser tabor mugu a taro nama wakak na wain. Ra det sa inum pas a susut na wain, det in tabor det mukut nama wain ra ke wakak bing. Ikut ui, u etabor maragom nama wain ra i wakak sakit.”

A Pas anun o Pol torom a taro Rom 13:13

Dat in muri mo a tokodos na petutna, elar nami ra dat laun una waspi. Gong dat sipak, ma dat longlong tuptupukus. Gong dat pam a kum petutna na pamuk, ma a kum utna na maimai. Gong dat taptapagol, ma gong dat nuknuk laulau.

1 Korin 11:21

Uni, ra mot wangon, arara i ngara pas ut nami, sur in nangon mugu, ma ken kis pas ara taro kai. Iri a kibino ra ara taro det murak, ma ara taro det sipak.

1 Korin 5:11

Ikut a tumtumus torom mot, sur gong mot lason tomo nam det ra det watungi lena det a kum tistisin dat una nurnur, ikut det ser pam a kum sakino petutna lenri: Det ser pam a kum pamuk na petutna, det a kum matano muk, det ser lotu torom a kum torotoro na god, det ser mang laulau a taro, det a kum tene ininum ma det ra det ras pas a ututna ra awu sur anundet. Ma gong kai mot wangon tomo nama ngas na taro lenra.

1 Korin 6:10

ma a kum tene wolong, ma a kum matano muk, ma a kum tene ininum, ma det ra det emang, ma det ra det ras pas a ututna ra awu sur anundet, det rop ra, ka det in rakon a matanitu anun o God.

1 Tesalonaika 5:7

Uni det ra det inep dumun, det ser inep una mirum, ma det ra det ininum, det ser inum una mirum.

Taitus 1:6

Ra un pipilok, un pilok pas taio ra katu etakun kura uni, i nolin kut nam ara ino, ma a kum nutnutunu det a kum tene nurnur, ma katu wasiso i los det un tu petutna, ma ka det ser pitarngat.