Epeses 5:17 - Nupela Testamen long tokples Kandas

¹⁷ Lenra, gong mot laun elar nama kum longlong, mot in tasman a nemnem anun a Labino.

Epeses 5:17 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 7:17

Osi ra i nem na mur a nemnem anun o God, in tasmani lena anung a kum etowo i wan tagai. I wan tagisapat tan o God, o a nuknuking kut.

A Pas anun o Pol torom a taro Rom 12:2

Ma gong mo mot tamtama ususer una nilaun tagun a rakrakon bual. Mot in pitar tar mot torom o God, sur in pukus a nuknuki mot, ma in umatoki, sur mot in tasman lele anun a nemnem. Anun a nemnem ra i wakak, i tokodos sakit, ma i gas nami.

Epeses 5:15

Mot in tamtamabat wakak anumot a ngas na nilaun ra mot laun nami, ma gong mot laun elar nama kum longlong, mot in laun elar nama taro na mananos.

Kolosi 1:9

Iri a kibino ra, ka mir mana nama niaring sur mot, turpasi una bung ra mir longoro a wasiso un mot. Mir ser saring o God, sur in ubukus mot nama mananos sur mot in talapor una nun a nemnem, ma in ubukus mot nama mananos ma a wakak na nuknuk rop, ra a Niono i tabor mot nami.

Kolosi 4:5

Mot in papam nama mananos torom a taro ra ka det nurnur. Una kum du bung rop, ra i langolango sur mot in wasiso puaso torom det, mot in pami.

1 Tesalonaika 5:18

Mot in watung wakak torom o God un asau rop ra i wanpat torom mot, uni iri a nemnem ut anun o God torom mot, a taro anun o Karisito Iesu.

1 Pita 4:2

Ra ke pitar tari mo anun a nilaun una kum laulau na nemnem. I pitar tari mukut sur in mur a nemnem anun o God.