Epeses 5:14 - Nupela Testamen long tokples Kandas

¹⁴ Uni a talapor in utalapor a kum utna, ra din tama lele det. I mo ra di watungi lenri, “Ui a tene ininep, un tuangun, ma un katutur melet gusun a minat, ma o Karisito in utalapor ui.”

Epeses 5:14 ပူးပေါင်းရင်းမြစ်များ

Luk 1:78

kibino una labino marmaris anun anundat a God. Ma una nun a marmaris, a talapor tagisapat netes in sisio pat torom dat.

Luk 15:24

Uni o nutunglik ri i sa mat, ma uniri i sa laun melet, i raro pas ma uniri i sa wanpat melet.’ Ra a lukaro i turpasi.

A Wakak na Wasiso un o Iesu Karisito o Jon i tumusi 8:12

O Iesu i wasiso melet torom a taro, ra i watungi lena, “Iau a talapor tagun a rakrakon bual. Osi ra i mur iau, in pam ukai a talapor na nilaun, ma ken nan melet una dumirum.”

A Wakak na Wasiso un o Iesu Karisito o Jon i tumusi 9:5

Ra a kis nin upiso, iau a talapor anun a rakrakon bual.”

Aposel 13:47

Uni a Labino, i tulu mir lena, ‘A ubek tar ui sur ui a talapor anun a taro ra awu sur a taro Juda, sur un los a wasiso torom a taro una rakrakon bual rop lena, an ulaun pas det.’” Ais 49:6

A Pas anun o Pol torom a taro Rom 6:13

Gong melet mo mot pitar tar tu du pinimot sur in elar nama utna na pinapam sur a pam sakino. Mot in pitar tar mot torom o God, uni mot sa laun melet gusun a minat. Ma mot in pitar tar a kum du pinimot rop torom o God, sur in elar nama kum utna na pinapam sur a tokodos na pinapam.

1 Korin 15:34

Mot in tuangun, mot in mur a tokodos na petutna, ma mot in mana gusun a kum sakino petutna. Uni ara taro tagun mot ka det tasman o God. A watungi lenri sur mot in maimai.

2 Korin 4:6

Numugu utmakai, o God i watungi lena, “A talapor in sisio pat una dumirum.” Ra uniri, o God i sa ukis anun a talapor una nuknukin dat sur in sisio, sur dat in tasman a minamarin o God, ra di tama i umasarin o Karisito.

Epeses 2:1

Numugu a niomot i mat, uni mot lakai a warkurai ma mot pam a kum sakino petutna.

Epeses 2:5

Ra dat mat una nundat a kum sakino petutna, i ulaun pas dat tomo nam o Karisito. O God i sa ulaun pas mot, kibino kut una nun a marmaris.

Kolosi 3:1

O God i sa ukatutur tomo pas mot nam o Karisito gusun a minat, i mo ra, i wakak sur mot in ubek a kudulano nuknuki mot una kum utna sapat una langit, ra o Karisito i kis iai, una papor sot na laman o God.

1 Tesalonaika 5:6

I mo ra gong dat elar nam ara taro ra det inep dumun. Dat in koikoi ma dat in tamtamabat wakak anundat a nilaun.

2 Timoti 1:10

Ra uniri, dat sa tama a marmaris anun o God torom dat, una inawan pat anun anundat a Tene Ulaun, o Karisito Iesu, i ra i urop ru a minat. Ma una Wakak na Wasiso, i upuaso a nilaun tukum sur in nanpat talapor.

2 Timoti 2:26

Numur det in nuknuk wakak, ra det in pirso gusun in nukun anun o Satan, ra det sa iru taru uni, ma det ser muri.