Epeses 4:32 - Nupela Testamen long tokples Kandas

³² Ikut, mot in pam a wakakino ma mot in nem etetalai mot. Ma ra taio tagun mot i pam a sakino torom mot, mot in dumano ru i, elar nami ra o God i pami un mot un o Karisito.

Epeses 4:32 ပူးပေါင်းရင်းမြစ်များ

Matiu 6:12

Un unus ru anumet a kum sakino petutna, elar nam met dumano ru anundet a kum sakino petutna torom met.

A Wakak na Wasiso un o Iesu Karisito o Mak i tumusi 11:25

“Ra mot tur ma mot wararing, ma mot nuk torom tu utna ra taio i pam sako tari un mot, mot in dumano ru i, sur a Tamamot kusapat una langit in unus ru anumot a kum sakino petutna kai.”

Luk 1:78

kibino una labino marmaris anun anundat a God. Ma una nun a marmaris, a talapor tagisapat netes in sisio pat torom dat.

Luk 11:4

Un unus ru anumet a kum sakino petutna, uni met kai met dumano ru anundet a kum sakino petutna torom met. Gong u ben met una ululam.’”

Luk 17:4

Ra i pam a sakino torom ui a wonom mawit na dino un ara bung, ma i wan torom ui a wonom mawit na dino ma i watungi tam lena, ‘A sa pam tar a sakino torom ui. Uniri a nukpukus,’ un dumano ru anun a sakino.”

Luk 6:35

Ikut mot in nem anumot a kum ebar, ra mot in pam a wakakino torom det. Ra a taro det nemi sur det in los pas tu utna munung gusun mot, mot in pitari kut, ma gong mot nemi sur det in balu i. Ra mot in pami lenra, anumot a ikul in labo sakit, ma mot a kum nutnutun o God a Labino Sakit, ra i ser maris det ra ka det ser watung wakak toromi, ma a kum tene sakino kai.

Luk 6:37

“Gong mot takun tar taio, sako o God in takun mot. Gong mot kuro tar taio sur in los a warkurai na minabalu, sako o God in kuro mot ra mot in los a warkurai na minabalu. Mot in dumano ru a kum sakino petutna ra a taro det pami un mot, ma o God in unus ru anumot a kum sakino petutna.

Aposel 28:2

A taro tagitiro iai det maris doko met, ra det tagol tar a sungun ma det ben pas met rop, uni i bato ma i kotokoto doko.

A Pas anun o Pol torom a taro Rom 12:10

Mot in nem etetalai mot elar nami ra mot nem a kum tistisi mot. Mot in urur etetalai torom mot, ma gong mot nuk pas mot ut.

1 Korin 13:4

Osi ra i lason una marmaris a pinino ke ser ngoro lakit torom taio, ma i ser pam a wakakino torom a taro. Ke ser nuknuk laulau sur a utna anun taio, ke ser warango pasi, ma ke ser dat walos in lorino.

2 Korin 2:10

Ra mot dumano ru a sakino anun taio, iau kai an dumano ru i. Ra a musano ra i sa pam tar tu sakino, a sa dumano ru i umatan o Karisito. A dumano ru i, uni a nuk pas mot,

2 Korin 2:7

ra uniri, mot in dumano ru anun a petutna ra, ma mot in umaromi, sur gong i tupunuk dekdek, ma in puku saksakit.

2 Korin 6:6

Anumet a petutna katu dur uni, ma met papam nama mananos. A pinimet ke ser ngoro una taro, met pami kut a wakak na petutna torom det. Met papam nama warut anun a Tokodos na Nion, ma a marmaris mulus.

Epeses 5:1

Mot in laun elar nama nilaun anun o God, uni mot a kum nutnutun o God, ma i maris doko mot.

Jems 5:11

Tama i, ara taro tagun numugu det etorom a kum mamaut, ikut det tur dekdek una nurnur. Dat watung det lena det dan. Mot tasman a nilaun anun o Jop, i etorom a kum mamaut, ikut i tur dekdek una nurnur. Ra numur, a Labino i udan meleti. A Labino i bukus nama marmaris ma i a tene warut.

2 Pita 1:7

Ma mot in palataun a petutna ra i wakak umatan o God, nama marmaris torom a kum tistisi mot una nurnur. Ma mot in palataun a marmaris ra, nama marmaris kai torom a taro rop.

1 Jon 1:9

Ra dat watung puaso anundat a kum sakino petutna, o God ut i tokodos, ma in pam sot pas anun a liliman, ma in unus ru anundat a kum sakino petutna, ma in utalapor dat gusun a kum petutna ra ke tokodos.

1 Jon 2:12

A tumtumus torom mot a kum nutnutung liklik, uni di sa unus ru anumot a kum sakino petutna una minatin o Karisito.