Epeses 4:30 - Nupela Testamen long tokples Kandas

³⁰ Ma gong mot utupunuk a Tokodos na Nion o God, ra o God i sa ukinalong tar mot nami lena mot anunu. Ma a ukinalong ra, i ese i lena a bung in nanpat ra o God in ulangolango mot.

Epeses 4:30 ပူးပေါင်းရင်းမြစ်များ

A Wakak na Wasiso un o Iesu Karisito o Mak i tumusi 3:5

O Iesu i nas pukpukus det, in balano i sungun nam det, ikut i maris det, uni a balandet i dekdek doko. I inanos a musano ra a lamano i kong lena, “Kodos a lamam.” I kodosi, ra a lamano i tokodos melet.

Luk 21:28

Ra a kum utna ri in turpasi sur in nanpat, mot in tur, ma mot in tatado, uni a bung ra o God in ulaun pas mot uni i sa milau.”

A Wakak na Wasiso un o Iesu Karisito o Jon i tumusi 3:33

Ikut det ra det nurnur una nun a wasiso, det mulaot lena o God i a lingmulus.

Aposel 7:51

Ra o Stiwen i watungi tan a taro na kiwung lena, “Mot a kum tene pitarngat mot, a balamot i bakbak gusun o God ma a talngamot i kutkut. Mot turbat liklik a Tokodos na Nion, elar nama kum tumtubu mot tagun numugu det ser pami.

A Pas anun o Pol torom a taro Rom 8:11

A Nion o God, ra i ukatutur pas o Iesu gusun a minat, i laun un mot. Una pinapam anun a Niono ra i laun un mot, i ra i ukatutur pas o Karisito gusun a minat, in pitar a nilaun una pinimot, ra i ser mat.

A Pas anun o Pol torom a taro Rom 8:23

Ma awu sur a kum ukukis kut, dat kai, ra o God i sa pitar tar a mugano etabor torom dat, a Tokodos na Nion, dat kai dat kis langlang nama tinangis nin ubalandat, nama labino nemnem sur a du bung ra o God in ras dat sur dat a kum nutnutunu, ma in ulangolango a pinindat.

1 Korin 1:30

O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.

1 Korin 15:54

Ma ra a pinindat ra i ser mereseng kut, in tupukus sur a pinindat ra ken mereseng mo, ma ra a pinindat ra i ser mat kut in tupukus sur a pinindat ra ken mat mo, a tumtumus una Buk Tabu in sot maragom, lenri, “O God i sa pas tataun tar a minat, ma i kamar rop ru i.” Ais 25:8

1 Tesalonaika 5:19

Gong mot turbat a pinapam anun a Tokodos na Nion.

Ibru 10:29

Ikut a warkurai na minabalu in dekdek sakit taun a minabalu ra, torom taio ra in pas tataun a Nutun o God, ma i nuki lena a gapin a kunubus, ra di sa rus talapor tari nami, i a utna oros kut, ma i watung laulau a Tokodos na Nion ra i pitar a marmaris.

Ibru 3:10

Iri a kibino ra a kankan torom a taro tagun a kum kilalo ra, ma a watungi lena, ‘A nuknukin det i wan raro bolbolos, ma ka det tasman anung a kum kisapi.’

Ibru 3:17

Osi det ra o God i kankan torom det a wat na noino kilalo? Det ra det pam a sakino petutna ma det mat una nubual kalako taro uni, niko?