Epeses 4:24 - Nupela Testamen long tokples Kandas

²⁴ Ma mot in emar nama matok na nilaun ra o God i ukis tari elar ut nama malalarino, sur mot in mur a tokodos na petutna mulus, ma mot in nanpat a taro anun o God.

Epeses 4:24 ပူးပေါင်းရင်းမြစ်များ

Luk 1:75

Dat in papam toromi nama petutna ra i talapor ma i tokodos umatano, una nundat a kum bung na nilaun rop.

A Wakak na Wasiso un o Iesu Karisito o Jon i tumusi 17:17

Anum a kum wasiso i lingmulus. Un utalapor det nam anum a lingmulus na wasiso, sur det anum a taro mulus.

A Pas anun o Pol torom a taro Rom 12:2

Ma gong mo mot tamtama ususer una nilaun tagun a rakrakon bual. Mot in pitar tar mot torom o God, sur in pukus a nuknuki mot, ma in umatoki, sur mot in tasman lele anun a nemnem. Anun a nemnem ra i wakak, i tokodos sakit, ma i gas nami.

A Pas anun o Pol torom a taro Rom 13:12

I sa labino mirum pas, ma milau mo in waspi. I mo ra dat in lakro ru i mo a kum pinapam tagun a dumirum, ma dat in emar pas nama kum utna na inaim tagun a talapor.

A Pas anun o Pol torom a taro Rom 13:14

Ikut mot in emar nama nilaun anun a Labino o Iesu Karisito, ma gong mot nuknuk sur tu kisapi sur mot in ugasgas a sakino nemnem ina pinimot.

A Pas anun o Pol torom a taro Rom 6:4

Lenra, ra di baptaiso dat, dat mat tomo nami ma di por tomo dat kai nami. O God a Tamandat i ukatutur pas o Karisito gusun a minat nama minamarino, lenkutkai ra dat in laun nama matok na nilaun.

A Pas anun o Pol torom a taro Rom 7:6

Ikut uniri, dat mat gusun a kum Warkurai ra i ker ukai dat numugu. Ma di sa ulangolango pas dat gusun a dekdekin a Warkurai, ma dat papam torom o God nama matok na kisapi, ra a Tokodos na Nion i pitari torom dat. Awu sur i elar nama mugano kisapi, ra dat muri kut a kum Warkurai ra di tumus tari.

A Pas anun o Pol torom a taro Rom 8:29

Numugu utmakai o God i sa tasman anun a taro. Ma numugu utmakai, i sa pilok pas det sur det in elar nam o Nutunu, sur i a mugano tan a susut na tistisino.

1 Korin 15:53

Uni a pinindat taginin upiso ra i ser mereseng kut, in tupukus sur a pinindat ra ken mereseng mo. A pinindat taginin upiso ra i ser mat kut, in tupukus sur a pinindat ra ken mat mo.

2 Korin 3:18

Ma dat, ra ka di pulus bat a masarindat nam tu du malu, dat upuaso a minamar anun a Labino. Ma anundat a nilaun i tupukus nanan sur dat in elar nam o Karisito, ma anun a minamar i lubung una nundat a nilaun. A minamar ra, tan a Labino ut, i ra a Nion.

2 Korin 4:16

Iri a kibino ra ka met tusako. I kis pirso nanan a pinimet, ikut di umatok a niomet una kum bung rop.

2 Korin 5:17

Ra taio tagun o Karisito, i a matok na ukukis. Anun a petutna tagun numugu i sa rop. Tama i, a matok na nilaun i sa wanpat.

Galesia 3:27

Ra mot los a baptais, i ese i lena mot ara kut nam o Karisito, ma mot emar nam anun a nilaun.

Galesia 6:15

Ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit, dat a matok na ukukis anun o God.

Epeses 2:10

Dat a sap na laman o God. Dat tagun o Karisito Iesu, ma o God i ukis dat sur dat in pam a kum wakak na pinapam, ra o God i sa waninar tari sur dat in pami.

Epeses 2:15

Ra i mat, i urop ru a kum Warkurai anun a taro Juda, sur in dat tomo aru kabotaro, sur ara matok na kabotaro mukut, sur dat rop dat in kis na malmal.

Epeses 6:11

Mot in emar rop pas nama kum ememar na inaim anun o God, sur mot in turbat a kum usobor anun o Satan.

Taitus 2:14

I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.

Ibru 1:8

Ikut o God i watungi un o Nutunu lenri, “God, anum a kiskis na king in kis tukum ma ken rop. U ser warkurai sur a taro tagun anum a matanitu nama tokodos na petutna.

Ibru 12:14

Mot in dekdek sur mot in kis na malmal tomo nama taro rop, ma mot in madek o God sur in gos talapor anumot a nilaun. Ra o God ke gos talapor a nilaun anun taio, ken tama a Labino.

1 Pita 2:2

Mot in nem doko a utna na nion ra katu dur uni, sur mot in lubung nami, tuk ra mot in dekdek una matok na nilaun. Mot in nem doko a utna na nion, elar nama kum nat miso det nem doko a polono sus.

2 Pita 1:4

I tabor dat nama kum liliman ra i wakak doko ma i labo doko, kibino una nun a minamar ma a wakak na magirano. I sa liliman taru sur mot in pet lar pasi, sur mot in rakon a magiran o God ma anun a nilaun kai, ma sur mot in walip gusun a utna tagun a rakrakon bual ra in ban laulau mot, ra i ser wanpat tagun a kum laulau na nemnem.