Epeses 4:23 - Nupela Testamen long tokples Kandas

²³ Mot in pami lenra, sur o God in umatok a nuknuki mot.

Epeses 4:23 ပူးပေါင်းရင်းမြစ်များ

A Pas anun o Pol torom a taro Rom 12:2

Ma gong mo mot tamtama ususer una nilaun tagun a rakrakon bual. Mot in pitar tar mot torom o God, sur in pukus a nuknuki mot, ma in umatoki, sur mot in tasman lele anun a nemnem. Anun a nemnem ra i wakak, i tokodos sakit, ma i gas nami.

A Pas anun o Pol torom a taro Rom 6:4

Lenra, ra di baptaiso dat, dat mat tomo nami ma di por tomo dat kai nami. O God a Tamandat i ukatutur pas o Karisito gusun a minat nama minamarino, lenkutkai ra dat in laun nama matok na nilaun.

A Pas anun o Pol torom a taro Rom 8:6

Osi ra a nuknukino i kis utuntudu ina sakino nemnem ina pinino, in mat. Ikut, osi ra a nuknukino i kis utuntudu ina Tokodos na Nion, in laun ma in taramo a malmal.

Epeses 2:10

Dat a sap na laman o God. Dat tagun o Karisito Iesu, ma o God i ukis dat sur dat in pam a kum wakak na pinapam, ra o God i sa waninar tari sur dat in pami.

Kolosi 3:10

ma mot sa emar pas nama matok na nilaun. A matok na nilaun ri, o God i ser umatoki, sur mot in elar nama malalarino, ma sur mot in tasman mulusi.

Taitus 3:5

i ulaun dat. Awu sur un lako kum tokodos na pinapam ra dat sa pam tari, awu. I ulaun dat uni i maris dat. I ulaun dat ma i rus talapor dat. A utalapor ra, a Tokodos na Nion i pami una nundat a nilaun, ra i usus matok dat, ma anundat a nilaun i wanpat matok uni.

1 Pita 1:13

I mo ra, mot in waninar a nuknuki mot sur a pinapam ra mot in pami, mot in tamtamabat wakak anumot a nilaun, ma mot in kis langlang nama nurnur mulus sur a utna ra o God in tabor mot nami, ra o Iesu Karisito in nanpat puaso.