Epeses 4:19 - Nupela Testamen long tokples Kandas

¹⁹ Katu maimai indet mo una kum sakino ra det ser pami, ma det pitar tar det mukut sur a kum sakino nemnem, nama kum ngas na dur na petutna, ma anundet a nemnem sur det in pam a sakino ken mana.

Epeses 4:19 ပူးပေါင်းရင်းမြစ်များ

A Wakak na Wasiso un o Iesu Karisito o Mak i tumusi 7:22

a nemnem sur a susut na utna, a kum sakino petutna, a kum torotoro, a kum sakino nemnem na pinindi, a nuknuk laulau sur tu utna anun taio, a petutna ra di mang laulau ara, a petutna ra taio i ulabo pasi ut, ma a kum tuptup na petutna.

Epeses 4:17

Una risan a Labino, a inanos mot ma a utumarong mot lena, gong melet mo mot laun elar nama kum taro ra ka det nurnur. A nuknukin det ke topas tu utna.

Kolosi 3:5

I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god.

1 Timoti 4:2

A kum etowo ri i wan tagitiro tan a kum tene torotoro, a taro ra ka det tama lele i mo a tokodos na petutna, uni a tokodos na ninunuk una nuknukin det i sa mat.

1 Pita 4:3

Numugu mot pam a kum sakino petutna, ma i sa suano mot ra mot kis ubalan a kum sakino petutna ra. A kum sakino petutna ra, a kum taro ra ka det nurnur, det gas sur det in pami. Det pam a kum petutna na pamuk, det mur a kum laulau na nemnem, det sipak, det pam a kum labino lukaro ra det wangon dokodoko det, det wan tomo sur det in gas nama ininum, ma det lotu torom a kum torotoro na god, ra a warkurai anun o God i turbat dat gusuni.

2 Pita 2:22

A ru wasiso elelar ri i sot nam det: “A pap i milet melet sur a utna ra i muru tari.” Ma “A nano boro ra di sa rus tari, in milet melet ra in polpolos melet.”

A Pas anun o Jud 1:11

In laulau doko torom det! Det mur a petutna anun o Kain. Ma det raro elar nam o Balam, uni det pam a kum laulau na utna sur det in los a mani uni. Det in iru elar nam o Kora, ra i mugu pas a taro ra det rosumur gusun o God, ra det iru rop.

Tamtama 18:3

I sa puku, uni a taro tagun a kum gapman rop det sa inum pas a dekdek na wain ina nun a pamuk na petutna. A kum king tagun a rakrakon bual det pam a pamuk na petutna tomo nami. Ma a kum tene siuru tagun a rakrakon bual det tene ululeng nama susut na ululeng tagun anun a kinkinis na tene ululeng.”