Epeses 4:13 - Nupela Testamen long tokples Kandas

¹³ Det in pami lenra tuk ra dat in takai kut una nurnur, ma dat rop dat in tasman wakak a Nutun o God, ma dat in nanpat a kum dekdek na tene nurnur. Dat in lubung tuk dat in bukus nama kudulano nilaun anun o Karisito.

Epeses 4:13 ပူးပေါင်းရင်းမြစ်များ

Matiu 11:27

“O Tita i sa pitar tar a kum utna rop torom iau. Katutaio i tasman o Nutunu, o Tamano kut i tasmani, ma kataio kai i tasman o Tamano, o Nutunu kut i tasmani, ma det kai ra o Nutunu i nemi sur in upuaso o Tamano torom det.

A Wakak na Wasiso un o Iesu Karisito o Jon i tumusi 1:16

I bukus nama marmaris, ma gusun anun a labino marmaris i udan dat nama susut na wakak na utna ra i wanan pat torom dat.

A Wakak na Wasiso un o Iesu Karisito o Jon i tumusi 16:3

A taro det in pam a kum utna ri torom mot, uni ka det tasman mir nam o Tita.

A Wakak na Wasiso un o Iesu Karisito o Jon i tumusi 17:21

Tita, a wararing lena det rop ra det nurnur un iau, det in takai kut, elar nam ui kuri un iau ma iau kura un ui. A nemi sur det in laun un dar, sur a taro una rakrakon bual det in nurnur lena ui u tulu ru iau urin.

A Wakak na Wasiso un o Iesu Karisito o Jon i tumusi 17:3

A nilaun tukum i lenri: A taro det in tasman ui, ra ui kut a God mulus, ma det in tasman o Iesu Karisito kai, i ra u tulu ru i urin.

A Wakak na Wasiso un o Iesu Karisito o Jon i tumusi 6:69

Met sa nurnur ma met tasmani lena ui a Tasur na Musano anun o God.”

Aposel 4:32

A kum tene nurnur rop, i takai kut a nuknukin det ma a balandet, ma kataio tagun det i watung tu utna sur anunu kut. Det ubek tomo a kum utna sur anundet rop.

1 Korin 1:10

A kum tistising, a saring mot nama risan anundat a Labino o Iesu Karisito, sur mot rop mot in tur tomo, ma gong mot taptapagol. Ma in takai kut a nuknuki mot, ma anumot a nemnem kai.

1 Korin 14:20

A kum tistising, gong a nuknuki mot i elar nama kum nat liklik. Una sakino petutna i wakak sur mot in elar nama kum nat miso. Ikut, una nuknuki mot, mot in elar nama kum lamlabino.

1 Korin 2:6

Ikut, met wasiso na mananos ut epotor tan a taro ra det tur dekdek una nurnur. A mananos ri, awu sur taginin una rakrakon bual, ma awu sur tan a kum mugumugu taginin upiso, ra anundet a warkurai in rop kut.

2 Korin 4:6

Numugu utmakai, o God i watungi lena, “A talapor in sisio pat una dumirum.” Ra uniri, o God i sa ukis anun a talapor una nuknukin dat sur in sisio, sur dat in tasman a minamarin o God, ra di tama i umasarin o Karisito.

Galesia 4:19

A kum nutnutung liklik, a taramo melet a ngunungut sur mot, elar nama ino ra i usus. An taramo a ngunungut ri, tuk mot in elar nam o Karisito.

Epeses 1:17

A ser wararing lena a God anun anundat a Labino o Iesu Karisito, a Tamandat ra i bukus nama minamar, in tabor mot nama mananos tan a Tokodos na Nion, ma in papos a nuknuki mot, sur mot in tasman wakak o God.

Epeses 1:23

Ma a taro na lotu det a pinin o Karisito. Ma o Karisito i bukus un det, ma i ubukus a kum utna rop kai una wur ngas na kisapi rop.

Epeses 2:15

Ra i mat, i urop ru a kum Warkurai anun a taro Juda, sur in dat tomo aru kabotaro, sur ara matok na kabotaro mukut, sur dat rop dat in kis na malmal.

Epeses 4:12

sur det in waninar a taro anun o God, sur det ra, det in papam toromi, sur dat a pinin o Karisito dat in lubung.

Epeses 4:3

Mot in dekdek sur mot in takai kut una kinkinis ra a Tokodos na Nion i sa pitar tari tamot, uni i kubus tomo mot nama malmal.

Epeses 4:5

Ara Labino kut, ma a takano nurnur kut, ma ara baptais kut.

Pilipai 3:10

A nemi sur an tasman o Karisito ma a dekdekin anun a katkatutur melet gusun a minat, ra a nemi sur an tur tomo nami una nun a kum ngunungut, ma an elar ut nami una nun a minat.

Pilipai 3:8

I lingmulus, a kum utna rop ri, det a kum utna oros mukut torom iau. Ara utna kut ra i labo sakit, a tasman o Karisito Iesu anung a Labino. A sa ubek ru a kum utna rop ri, kibino un o Karisito. Det elar mukut nama beren umatang, sur an los pasi mukut o Karisito una nung a nilaun,

Kolosi 1:28

Met warawai un o Karisito torom a taro rop. Met utumarong det, ma met ususer det nama mananos rop, sur met in ben pas det rop torom o God, ma det in tokodos sakit, uni det tagun o Karisito.

Kolosi 2:2

A pami lenra, sur in uragot anundet a nilaun, ma det in kis na marmaris tomo, sur det in bukus nama labino mananos, sur det in tasman a utna anun o God, ra numugu i kis eno, i ra o Karisito ut.

Ibru 5:14

Det ra det sa labo, det wan a dekdek na utna na inangon, uni det sa ulason det sur det in tama lele a wakak na petutna ma a sakino.

2 Pita 1:4

I tabor dat nama kum liliman ra i wakak doko ma i labo doko, kibino una nun a minamar ma a wakak na magirano. I sa liliman taru sur mot in pet lar pasi, sur mot in rakon a magiran o God ma anun a nilaun kai, ma sur mot in walip gusun a utna tagun a rakrakon bual ra in ban laulau mot, ra i ser wanpat tagun a kum laulau na nemnem.

2 Pita 3:18

I wakak ra mot in lubung una marmaris anun o Iesu Karisito anundat a Labino ma a Tene Ulaun, ma mot in lubung kai una numot a mananos uni. Anunu ut a minamar, uniri ma ken rop! Amen.

1 Jon 5:20

Dat sa tasmani kai lena, a Nutun o God i sa wanpat, ra i tabor tar dat nama mananos, sur dat in tasman o God ra i lingmulus. Dat laun un o God ra i lingmulus, uni dat laun un o Nutunu, o Iesu Karisito. Ma i, a God ra i lingmulus, ma a nilaun tukum.