Epeses 4:12 - Nupela Testamen long tokples Kandas

¹² sur det in waninar a taro anun o God, sur det ra, det in papam toromi, sur dat a pinin o Karisito dat in lubung.

Epeses 4:12 ပူးပေါင်းရင်းမြစ်များ

Luk 22:32

Ikut a sa wararing taru sur ui, Saimon, sur gong anum a nurnur i puku. Ra u sa nukpukus melet, un udekdek a kum tistisim.”

Aposel 1:17

I ara tagun met, ma i kai i los a tinibo tomo nam met una pinapam ri.”

Aposel 1:25

sur in los a pinapam na aposel, ra o Judas i sa mat pas gusuni ma i sa wan sur a tamon ra i sot nam anun a sakino petutna.”

Aposel 11:23

O Banabas i ara wakak na musano, i bukus nama Tokodos na Nion ma a nurnur. Ra i wanpat, i tama asau ra a marmaris anun o God i pami una nundet a nilaun, ra i gas doko. Ra i uragot det rop sur det in tur dekdek mulus nama nurnur torom a Labino una nundet a nilaun rop. Ra a susut na taro det tupukus torom a Labino.

Aposel 20:24

Ikut ka nuk labo pas anung a nilaun, ma ka maris bati. Awu! A pitar tar iau kut sur an pam sot rop tar anung a inawan ma a pinapam, ra a Labino o Iesu i pitar tari torom iau, sur an wasiso puaso una Wakak na Wasiso una marmaris anun o God.

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

Aposel 9:31

Numur a taro na lotu tong una tulu papor Judia, Galili ma o Samaria, det kis na malmal. Det kis nama urur torom a Labino, ra a Tokodos na Nion i uragot det. Ra a niluluk ina taro na nurnur i labo nanan.

A Pas anun o Pol torom a taro Rom 12:5

Lenkutkai lar dat, dat susut, ikut una pinin o Karisito dat takai kut. Dat taktakai dat tar pasano.

A Pas anun o Pol torom a taro Rom 12:7

Ma osi ra o God i pitar tar a etabor sur in tene warut, i wakak sur in warut a taro. Ma osi ra o God i pitar tar a etabor sur in tene ususer, i wakak sur in ususer a taro.

A Pas anun o Pol torom a taro Rom 14:19

I mo ra dat in dekdek sur dat in pam a petutna na malmal, ma sur dat in udekdek a nurnur anundat etetalai.

A Pas anun o Pol torom a taro Rom 15:14

A kum tistising, a tasmani ut lena mot bukus nama wakak na petutna ma a mananos, ma mot pet lar pasi sur mot in ususer etetalai mot.

A Pas anun o Pol torom a taro Rom 15:2

Dat rop taktakai dat in nuk pasi kai a pasandat, ma dat in pam a kum utna ra in waruti, ra in udekdek anun a nurnur.

A Pas anun o Pol torom a taro Rom 15:29

Ma a tasmani lena, ra an nanpat torom mot, an bukus nama kum utna na nion ra o Karisito i udan tar iau nami, sur in warut mot.

1 Korin 12:27

Mot ut a pinin o Karisito, ma mot rop taktakai a kum du pinino.

1 Korin 12:7

A Tokodos na Nion i ese i ut una nilaun anun arara, sur in warut a taro rop.

1 Korin 14:12

Lenkutkai ra torom mot. Mot ser dekdek sur a kum etabor anun a Tokodos na Nion. I wakak sur mot in dekdek sur a kum etabor ra in udekdek a taro na lotu rop.

1 Korin 14:14

Ra a wararing nama wur ngas na wasiso, a niong i wararing, ikut a nuknuking ke nuk tu utna.

1 Korin 14:26

A kum tistising, asau an watungi? Ra mot kis tomo una lotu, ara taro det in kelekele, ara taro det in ususer a taro, ara taro det in wasiso puaso un tu utna ra o God i sa ese tari tandet, ara taro det in wasiso nama wur ngas na wasiso, ma ara taro kai det in palos a kukuraino. A kum utna rop ri din pami sur in udekdek a taro na lotu.

2 Korin 12:19

Pepetlai, mot nuki lena met wasiso bat met kut gusun mot? Awu. Met wasiso nama lingmulus umatan o God elar nama kum tultul anun o Karisito. A kum wakak na paspasa met, a kum utna rop ra met pami, met pami sur in warut mot.

2 Korin 13:11

Anung a ururop na wasiso mo ri: A kum tistising, mot in gas! Mot in ukodos mot, mot in mur anung a wasiso, in takai kut a nuknuki mot, ma mot in kis na malmal etetalai. Ra a God na marmaris ma a malmal in kis tomo nam mot.

2 Korin 13:9

Ra mot dekdek ma met kalako dekdeki met, met gas kut. Ma met wararing sur mot in tokodos una numot a nurnur.

2 Korin 3:8

Ikut a matok na kunubus una Tokodos na Nion, a minamarino i labo sakit tauni.

2 Korin 4:1

O God i maris met ra i pitar tar a pinapam ri tamet. Iri a kibino ra ka met tusako.

2 Korin 5:18

I wanpat ut tan o God, i ra i dat tomo tar dat nami, una minatin o Karisito. Ra i sa pitar tar a pinapam tamet, sur met in dat pasi kai a taro torom o God.

2 Korin 6:3

Ka met ser pam tu petutna sur a taro det in watung laulau anumet a pinapam, ma ka det in nurnur.

2 Korin 7:1

A kum wakak na paspasang, dat sa rakon pas a kum liliman ri, ra i wakak sur dat in utalapor pas dat gusun a kum utna rop ra i udur a pinindat ma a niondat. Ma dat in talapor rop, uni dat urur doko torom o God.

Epeses 1:23

Ma a taro na lotu det a pinin o Karisito. Ma o Karisito i bukus un det, ma i ubukus a kum utna rop kai una wur ngas na kisapi rop.

Epeses 4:16

Un o Karisito, a kudulano pinino i tugus tomo wakak. Ra arara du pinino in pami ut anun a pinapam, a kudulano pinino in lubung ma in dekdek, ma in bukus nama marmaris.

Epeses 4:29

Ma gong tu laulau na wasiso i pirso gusun a wamot. Mot in watungi kut a wasiso ra i wakak sur in udekdek a taro ma in warut det una utna ra det sibo suri, sur anumot a wasiso in pam a wakakino torom det ra det longoro mot.

Epeses 4:4

Dat ara pinin o Karisito, ma ara Tokodos na Nion kut i kis un dat rop. Ma o God i kabo pas dat sur dat in takai kut una kinkinis langlang nama nurnur sur a kum wakak na utna ra in udan dat nami.

Kolosi 1:24

Uniri a gas una kum mamaut ra a taramo i un mot. Una kum mamaut ra a taramo i una pining, a pam sot pas a kum mamaut anun o Karisito, sur an warut a taro na lotu, det ra a pinin o Karisito.

Kolosi 1:28

Met warawai un o Karisito torom a taro rop. Met utumarong det, ma met ususer det nama mananos rop, sur met in ben pas det rop torom o God, ma det in tokodos sakit, uni det tagun o Karisito.

Kolosi 4:17

Mot in inanos o Arkipus lena, in pam rop ru a pinapam ra o God i sa pitar tari tano.

1 Timoti 1:12

A watung wakak torom o Karisito Iesu anundat a Labino, ra i pitar tar a dekdek tang. A watung wakak toromi uni i nurnur un iau, ma i ubek tar iau sur an papam toromi.

2 Timoti 4:11

O Luk mukut kuri nisang. Un ben pas o Mak ra mur in nan urin, uni in warut iau una nung a pinapam.

2 Timoti 4:5

Un nuknuk wakak una kum bung rop. Ra un taramo a kum mamaut, un tur dekdek ut. Un dekdek nama warawai una Wakak na Wasiso, ma un pam sot pas anum a kum pinapam rop, ra o God i sa pitar tari tam.

Ibru 13:17

Mot in mur a wasiso anun anumot a kum mugumugu, ma mot in kis utuntudu ina anundet a warkurai, uni det tamtamabat mot, ma numur det in wasiso talapor umatan o God una nundet a kum pinapam torom mot. Ra mot in mur anundet a wasiso, det in gas una nundet a kum pinapam. Ikut, ra awu, det in papam nama tupunuk, ra ken warut mot.

Ibru 6:1

I mo ra dat in nan usa numugu sur a kum etowo bulung ra in sot sur a taro ra det sa labo una nurnur. Gong dat ususer melet una kum mugano etowo un o Karisito ra dat sa ususer pas uni. A kum etowo lenri: a nukpukus gusun a kum petutna ra in ben dat sur a minat, a nurnur un o God,