Epeses 3:20 - Nupela Testamen long tokples Kandas

²⁰ Dat in rakon lekeleke pas o God, o naro ra i dekdek, ma i pet lari sur in pam a utna ra i labo sakit taun a kum utna rop ra dat sasaring suri, ma dat nuki. Ma i papam nama dekdekino una nundat a nilaun.

Epeses 3:20 ပူးပေါင်းရင်းမြစ်များ

Matiu 3:9

Ma gong mot nuki lena, o God ken warkurai mot uni mot a kabotaro anun o Abaram. A inanos mot lena, o God in pet lari sur in pam pat pas a kabotaro anun o Abaram tagun a kum watat ri.

A Wakak na Wasiso un o Iesu Karisito o Jon i tumusi 10:10

A tene wolong i ruk kut sur in wolong, ma in um doko a kum sipsip ma in ban laulau det. Ikut iau, a wanpat sur det in utur ukai a nilaun, a nilaun ra i bukus nama wakakino.

A Pas anun o Pol torom a taro Rom 16:25

O God i pet lar pasi sur in utur dekdek mot una nurnur, elar nam anun a Wakak na Wasiso ra a ser warawai nami, a Wakak na Wasiso un o Iesu Karisito. Tagitiro numugu utmakai, a Wakak na Wasiso ra i kis eno.

A Pas anun o Pol torom a taro Rom 4:21

Ma una nun a nurnur i tasmani ut lena, o God i pet lari sur in pam sot pasi ut anun a liliman.

1 Korin 2:9

Ikut, i elar nama wasiso ra di sa tumus tari una Buk Tabu lenri, “A kum utna ra kataio i tama i, ma kataio i longoro i, ma ke wanpat tagun a nuknukin taio, a kum utna ra, o God i sa waninar tari sur det ra det nem doko i.” Ais 64:4

2 Korin 9:8

O God i pet lar pasi sur in tabor mot nama kum utna rop ra mot sibo suri, ma in tabor mot nama utna ra i susut taun a utna ra mot sibo suri. Ma una kum bung rop, mot in utur ukai a kum utna kai, sur mot in pam a kum wakak na pinapam nami.

Epeses 1:19

Ma mot in tasmani lena a dekdekin o God ra i warut dat, a kum tene nurnur, i labo sakit. Ka din pet lar pasi sur din elaro i nam tu utna. A dekdekino ra, i elar nama dekdek ra o God i papam nami ra

Epeses 3:7

A wanpat a tultul anun a Wakak na Wasiso ri. Una nun a marmaris ma a dekdekino, o God i pitar tar a pinapam ri tang.

Kolosi 1:29

A papam dekdek sur a utna ri in nanpat mulus ut. A lingmulus, a papam dekdek nama labino dekdekin o Karisito, ra i papam dekdek una nung a nilaun.

1 Timoti 1:14

Anundat a Labino i ese anun a labino marmaris torom iau, ra i pitar tar a nurnur ma a wakak na petutna torom iau. A etabor ri, i kibino un o Karisito Iesu.

Ibru 11:19

O Abaram i tasmani lena o God in pet lar pasi sur in ukatutur melet pas a kum minat. Ra o Abaram i rakon sikot pas o Aisak melet, i lenutra o God i ukatutur melet pasi gusun a minat.

Ibru 7:25

I mo ra, o Iesu i pet lari sur in ulaun a taro ra det wan torom o God una risan o Iesu. In ulaun det ra det in laun tukum, uni i laun tukum sur in wararing sur det.

Jems 4:12

O God kut i pitar a Warkurai, ma i sot kut a Tene Warkurai. O God kut i topasi sur in warkurai a taro sur a nilaun, o sur a iniru. Ra ui osi, sur un warkurai o pasam?

2 Pita 1:11

ma o Iesu Karisito, anundat a Labino ma anundat a Tene Ulaun in ben ruk mot nama gasgas una nun a matanitu ra ken rop.

A Pas anun o Jud 1:24

Dat in watung ulabo pas o God, ra i pet lar pasi sur in tamtamabat mot sur gong mot puku, ma in utur mot umatan anun a minamar, nama labino gasgas ma katu etakun torom mot.