Epeses 3:19 - Nupela Testamen long tokples Kandas

¹⁹ A wararing sur mot in tasman a marmaris anun o Karisito, ra i labo taun a mananos anun a taro, sur mot in bukus nama kudulano nilaun anun o God.

Epeses 3:19 ပူးပေါင်းရင်းမြစ်များ

Matiu 5:6

Det ra det murak ma det muruk sur a tokodos na petutna, det dan, uni numur det in masur.

A Wakak na Wasiso un o Iesu Karisito o Jon i tumusi 1:16

I bukus nama marmaris, ma gusun anun a labino marmaris i udan dat nama susut na wakak na utna ra i wanan pat torom dat.

A Wakak na Wasiso un o Iesu Karisito o Jon i tumusi 17:3

A nilaun tukum i lenri: A taro det in tasman ui, ra ui kut a God mulus, ma det in tasman o Iesu Karisito kai, i ra u tulu ru i urin.

A Pas anun o Pol torom a taro Rom 8:35

Osi in ukis susuaro dat gusun a marmaris anun o Karisito? Pepetlai, a kum mamaut in ukis susuaro dat? A kum ngunungut? O ra din ukadik dat? O a munurak? O kalako malu indat? O tu utna na iniru? O ra din um doko dat namin totok na inaim?

A Pas anun o Pol torom a taro Rom 8:39

tu ngas na utna tagisapat netes o taginin upiso. Awu! Katu utna mulus una kudulano ukukis in ukis susuaro lar pas dat gusun a marmaris anun o God, ra i pitar tari torom dat un o Karisito Iesu anundat a Labino.

2 Korin 5:14

A marmaris anun o Karisito i ukatutur met, sur met in papam toromi. Uni met tasman mulusi lena, o Karisito i mat sur dat rop. Ra lenra, dat rop dat mat tomo nami.

Galesia 2:20

Di sa ukete tomo tar iau nam o Karisito unin nanai kutus, ma awu sur iau mo ri a laun, o Karisito mukut i laun un iau. A laun nama pining, ikut a laun nama nurnur una Nutun o God, ra i maris iau ma i pitar tar anun a nilaun sur in ulaun pas iau.

Epeses 1:23

Ma a taro na lotu det a pinin o Karisito. Ma o Karisito i bukus un det, ma i ubukus a kum utna rop kai una wur ngas na kisapi rop.

Epeses 3:18

Ra a wararing sur mot tomo nama taro rop anun o God, mot in dekdek sur mot in tasman mulus a marmaris anun o Karisito, ra i perere pepetlai, i walos pepetlai, i tur toto pepetlai, ma i dordorong pepetlai.

Epeses 5:2

Mot in laun nama marmaris, elar nam o Karisito i maris dat, ra i pitar tar anun a nilaun sur dat, elar nama etabor ra i sangnain wakak torom o God.

Epeses 5:25

Mot kai, a kum nolin na musano, mot in ser nem anumot a kum ino, elar nam o Karisito i maris a taro na lotu, ra i pitar tar anun a nilaun sur det,

Pilipai 1:7

I tokodos sur an nuknuk lenri un mot rop, uni mot kis mulus una nuknuking. Dat rop dat tur tomo una pinapam ra o God i pitar tari tang una nun a marmaris. Dat tur tomo ra a kis una karabus, ra a wasiso balu det ra det watung laulau a Wakak na Wasiso, ra a upuaso i torom a taro.

Pilipai 4:7

Ra a malmal anun o God ra i labo sakit taun a mananos rop anun a taro, in tamtamabat a balamot ma a nuknuki mot, uni mot tagun o Karisito Iesu.

Kolosi 1:10

Mir wararing lenri, sur anumot a nilaun in elar nama petutna anun a Labino, ra mot in ser pam a kum utna ra in gas uni. Ra in lenra, anumot a nilaun in wu a wimot una kum wakak na pinapam rop ra mot in pami, ma mot in lubung una numot a tastasman un o God.

1 Pita 1:8

Ka mot tama o Iesu utmakai, ikut mot nem doko i. Uniri ka mot tama i, ikut mot nurnur uni. Ma mot bukus nama labino gasgas ra ka din palos sot pasi nam tu wasiso, ma a gasgas ra, a minamarino i labo sakit.

2 Pita 3:18

I wakak ra mot in lubung una marmaris anun o Iesu Karisito anundat a Labino ma a Tene Ulaun, ma mot in lubung kai una numot a mananos uni. Anunu ut a minamar, uniri ma ken rop! Amen.