Epeses 3:1 - Nupela Testamen long tokples Kandas

¹ I mo ra iau o Pol, a wararing sur mot. Iau a karabus anun o Karisito Iesu, uni a papam torom mot ra awu sur a taro Juda.

Epeses 3:1 ပူးပေါင်းရင်းမြစ်များ

Luk 21:12

“Numugu ra a kum utna ri ka det wanpat utmakai, din dat pas mot, din ukadik mot, ma din dat mot una kum rumu na lotu sur a warkurai, ma din uruk mot una kum karabus. Ma din dat pas mot sur a warkurai sa numugu umatan a kum king, ma a kum lamlabino mugumugu, uni mot anungi.

Aposel 21:33

A labino mugumugu i wan torom o Pol, ma i dat pasi, ra i itula sur din ker ukai i nama ru sen. Ma i iting lena, “Osi na musano ri? Asau ra i pam raro tari?”

Aposel 23:18

Ra i ben pati torom a labino mugumugu, ra i watungi lena, “O Pol, o naro ra di ukarabusi, i kabo pas iau toromi, ra i saring iau sur an ben tar a barman ri torom ui, sur in inanos ui nam ara wasiso.”

Aposel 26:29

O Pol i balu i lena, “Ra tu nat na du bunglik o tu walos na du bung, an wararing torom o God sur ui. Awu sur sur ui kut, sur mot rop kai ra mot longoro iau uniri, sur mot in nanpat a kum te Karisito elar nam iau, ikut gong di ker mot nama sen.”

Aposel 9:15

Ikut a Labino i watungi tano lena, “Un nan kut, uni a sa pilok pasi, sur i anung a tene pinapam. In wasiso puaso una risang torom a taro ra awu sur a taro Israel, torom a kum king, ma torom a taro Israel kai.

2 Korin 1:6

Met taramo a kum mamaut, sur mot in los a warut uni, ma sur din ulaun mot. Ra o God in umarom met, mot kai mot in taramo i. A umumarom ra mot in taramo i, in udekdek mot sur mot in tur dekdek una kum ngas na ngunungut ri, ra met taramo i.

2 Korin 10:1

A ramano taro det watungi lena, ra a kis torom mot, ka ser wasiso dekdek, ikut ra a kis gisen anung a wasiso i dekdek sakit. Iau, o Pol, a saring mot sur mot in longoro iau, uni o Karisito i unatino pasi, ma i papam nama wowowon na magirano torom a taro.

2 Korin 11:23

Det a kum tultul anun o Karisito, niko? Iau a wakak na tultul tandet rop. A wasiso elar nama longlong. A papam dekdek bing tandet rop, a sa kis papas una karabus, a kum inaim di pami un iau i dekdek sakit, a susut na dino milau an mat. A kum utna rop ri, ra di pami un iau, i labo taun a utna ra di pami un det.

Galesia 5:11

A kum tistising, ka ususer meleti mo a taro una tinotok talilis. Iri a kibino ra a taro Juda det ukadik iau. Gunuk ra an ususer utmakai uni, ka det in ukadik iau. Ikut det ukadik iau, uni a ususer a taro sur det in nurnur kut unin nanai kutus anun o Karisito.

Galesia 5:2

Mot longoro iau! Iau, o Pol, a inanos mot una utna ri: Ra mot in mulaot pas a warkurai na tinotok talilis, a pinapam anun o Karisito in utna oros mukut torom mot.

Galesia 5:24

A taro anun o Karisito Iesu, det sak wat a sakino nemnem ina pinindet unin nanai kutus anun o Karisito.

Epeses 3:11

Tagun narap utmakai o God i tasmani una nuknukino lena in pami lenra. Ra uniri, i sa pam sot pasi un o Karisito Iesu anundat a Labino.

Epeses 3:13

I mo ra, a saring mot sur gong mot tusako ra mot longoro a kum mamaut ra a barato i sur an warut mot. A taramo a mamaut sur anumot a kinkinis na minamar.

Epeses 3:8

Ma iau, a natino sakit tandet rop a taro anun o God. Ikut i maris iau, ra i pitar tar a pinapam ri tang, sur an warawai torom det ra awu sur a taro Juda una kum utna anun o Karisito ra i labo sakit, ma ken elar sur taio in tasman rop pasi.

Epeses 4:1

A kis una karabus uni a papam torom a Labino. Anung a dekdek na sasaring torom mot i lenri: Mot in laun elar nama nilaun ra o God i sa kabo pas mot suri.

Epeses 6:20

Uni o God i sa ubek tar iau sur an tene warawai nama Wakak na Wasiso, ma a kis na karabus uni a pam a pinapam ri. Mot in wararing sur iau sur an dekdek sur an upuaso tar a Wakak na Wasiso torom a taro, ma kan ngara.

Pilipai 1:7

I tokodos sur an nuknuk lenri un mot rop, uni mot kis mulus una nuknuking. Dat rop dat tur tomo una pinapam ra o God i pitar tari tang una nun a marmaris. Dat tur tomo ra a kis una karabus, ra a wasiso balu det ra det watung laulau a Wakak na Wasiso, ra a upuaso i torom a taro.

Kolosi 1:24

Uniri a gas una kum mamaut ra a taramo i un mot. Una kum mamaut ra a taramo i una pining, a pam sot pas a kum mamaut anun o Karisito, sur an warut a taro na lotu, det ra a pinin o Karisito.

Kolosi 4:18

Iau o Pol, iau ut, a tumus a nat na wasiso na marmaris ri nama lamang torom mot. Gong mot dumano ru iau, ra a kis una karabus. A marmaris anun o God in kis tomo nam mot.

Kolosi 4:3

Mot in wararing kai un met, sur o God in papos saro a kisapi, sur met in upuaso a wasiso un o Karisito, ra numugu i kis eno. A kis una karabus, uni a wasiso nama kum wasiso ri.

2 Timoti 1:16

A wararing sur o God in maris o Onesiporus det tamtamano, uni i ser ugasgas iau, ma ke maimai un iau ra a kis una karabus.

2 Timoti 1:8

Gong u maimai sur un wasiso talapor una nundat a Labino, ma gong u maimai un iau, ra uniri a kis una karabus una risano. Ikut, un waninar sur ui kai, un taramo a ngunungut una Wakak na Wasiso tomo nam iau. Ra un taramo a ngunungut, o God ut in pitar a dekdek torom ui.

Pilimon 1:1

Iau, o Pol, a karabus, uni a nurnur un o Karisito Iesu. Mir nam o Timoti a tisindat, mir tumus a pas ri torom ui Pilimon, a wakak na pasamet una pinapam,

Pilimon 1:23

O Epapras, i ra i karabus tomo nam iau, uni i nurnur un o Karisito Iesu, i pitar ru anun a marmaris torom ui.

Pilimon 1:9

Ikut, a saring wakak ui, uni a nem ui. Iau, o Pol, a sa takano, ma uniri a kis na karabus, uni a nurnur un o Karisito Iesu,

Tamtama 2:10

Gong mot ngaran a kum ngunungut ra milau mo in monong mot. Tama i, o Satan in uruk tar a ramano taro tagun mot una karabus sur in lar mot, ma mot in taramo a ngunungut una noino bung. Ra a taro det nem na um doko mot, mot in tur dekdek ut una numot a nurnur, ra an pitar tar a nilaun torom mot elar nami ra di pitar a ikul torom taio ra i winim pas a kinalabor.