Epeses 1:14 - Nupela Testamen long tokples Kandas

¹⁴ A Tokodos na Nion i a mugano etabor, sur in ulingmulus anun a liliman lena, numur una bung ra o God in ulangolango pas anun a taro, dat in rakon a kum utna ra o God i sa uliliman taru uni. I mo ra, dat in watung ulabo pas o God kibino una nun a minamar!

Epeses 1:14 ပူးပေါင်းရင်းမြစ်များ

Luk 21:28

Ra a kum utna ri in turpasi sur in nanpat, mot in tur, ma mot in tatado, uni a bung ra o God in ulaun pas mot uni i sa milau.”

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

Aposel 20:32

“Uniri a pitar tar mot ulaman o God, ma a pitar tar mot una nun a wasiso ra i upuaso anun a marmaris. A wasiso ra, i pet lar pasi sur in udekdek mot, ma in tabor mot nama kum wakak na etabor ra o God i ser tabor anun a taro nami.

A Pas anun o Pol torom a taro Rom 8:23

Ma awu sur a kum ukukis kut, dat kai, ra o God i sa pitar tar a mugano etabor torom dat, a Tokodos na Nion, dat kai dat kis langlang nama tinangis nin ubalandat, nama labino nemnem sur a du bung ra o God in ras dat sur dat a kum nutnutunu, ma in ulangolango a pinindat.

1 Korin 1:30

O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.

2 Korin 1:22

I sa ubek tar anun a ukinalong un dat sur in talapor lena, dat anunu ut. Ma i ukis a Niono unin balandat, elar nama ukinalong ra numur dat in rakon a kum utna, ra o God i sa waninar tari sur dat.

2 Korin 5:5

O God ut i sa ukis tar dat sur dat in los a nilaun ri, ma i tabor dat nama Niono, i a ukinalong sur in ulingmulusi lena, numur dat in rakon a kum utna ra o God i sa waninar tari sur dat.

Galesia 4:6

Mot a kum nutnutun o God ut. I ra a kibino ra i pitar ru a Tokodos na Nion, a Nion o Nutunulik, sur in kis ubalamot, ma i kakabo torom o God lena, “Aba! Tita!”

Epeses 1:11

A kum utna rop ra o God i ser pami, i pami elar ut nam anun a nemnem ma a nuknukino. Numugu utmakai i pilok pas met a taro Juda, sur met tagun o Karisito, elar ut nam anun a nemnem.

Epeses 1:12

I pilok pas met, a mugano taro ra met nurnur un o Karisito, sur met in watung ulabo pas o God kibino una nun a minamar.

Epeses 4:30

Ma gong mot utupunuk a Tokodos na Nion o God, ra o God i sa ukinalong tar mot nami lena mot anunu. Ma a ukinalong ra, i ese i lena a bung in nanpat ra o God in ulangolango mot.

1 Pita 2:9

Ikut mot a taro na pipilok, a kum tene tuntun etabor anun a King, a tokodos na kabotaro, ma a taro anun o God. O God i sa kabo pas mot gusun a dumirum sur anun a talapor ra i wakak doko, sur mot in wasiso puaso una anun a kum wakak na pinapam.