Epeses 1:12 - Nupela Testamen long tokples Kandas

¹² I pilok pas met, a mugano taro ra met nurnur un o Karisito, sur met in watung ulabo pas o God kibino una nun a minamar.

Epeses 1:12 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 14:1

O Iesu i watungi tandet lena, “Gong a balamot i mamaut, mot in nurnur un o God, ma mot in nurnur kai un iau.

Epeses 1:6

Ra dat in watung ulabo pas o God una nun a wakak na marmaris ra i tabor oros tar dat nami, una Nutunu ra i maris doko i.

Epeses 2:7

O God i pami lenra, sur in ese anun a marmaris torom dat un o Karisito Iesu, sur anun a labino marmaris sakit in nanpat talapor torom a kum taun taro numur.

Epeses 3:21

Dat tomo nama taun taro rop numur, dat in rakon lekeleke pasi, ken rop ma ken rop, una kum lamlabino utna i sa pam tari una taro na lotu, ma un o Karisito Iesu. Amen.

2 Tesalonaika 2:13

A kum tistisi metul, mot ra a Labino i maris mot, i wakak sur metul in ser watung wakak torom o God un mot, uni o God i sa pilok pas mot tagun a turturkibino sur in ulaun mot. I ulaun pas mot una nirurus talapor ra a Tokodos na Nion i pami un mot, ma una numot a nurnur una lingmulusino.

2 Timoti 1:12

Iri a kibino ra a taramo a ngunungut lenri. Ikut, ka maimai, uni a tasman o naro ra a nurnur uni, ma a tasman mulusi lena, in pet lar pasi sur in tamtamabat a pinapam, ra i sa pitar tari tang, tuk una bung na warkurai.

Jems 1:18

Una nun a nemnem ut, o God i usus matok dat nam anun a lingmulus na wasiso. I pilok pas dat gusun a kum utna na ukukis rop, sur dat in elar nama kum mugano wino duwai ra di ser etabor nami torom o God.

1 Pita 1:21

Ma mot nurnur un o God i kibino ut un o Karisito. Ra o God ut i ukatutur melet pas o Karisito gusun a minat, ra i pitar tar a minamar toromi. I mo ra, mot nurnur un o God ma mot kis langlang nama nurnur sur a utna ra in pami numur.