Epeses 1:10 - Nupela Testamen long tokples Kandas

¹⁰ Anun a nemnem i lenri: In dat tomo a kum utna rop sapat netes una langit ma nin upiso, sur det rop det in kis utuntudu ina warkurai anun o Karisito. Ra a bung in sot in pam sot pasi ut.

Epeses 1:10 ပူးပေါင်းရင်းမြစ်များ

Matiu 25:32

A taro tagun a kum gapman rop det in nan tomo umatano, ma in isuaro det, elar nama tene tamtamabat anun a kum sipsip i isuaro a kum sipsip gusun a kum meme.

A Wakak na Wasiso un o Iesu Karisito o Mak i tumusi 1:15

I watungi lena, “A du bung i sa sot, ma a matanitu anun o God i sa milau. Mot in nukpukus, ma mot in nurnur una Wakak na Wasiso.”

1 Korin 10:11

A kum utna ra, i wanpat un det, sur in utumarong dat. Ma di sa tumus tari sur a etowo torom dat, ra dat laun una kum ururop na bung ri.

1 Korin 11:3

Ikut, a nemi sur mot in tasmani lena, o Karisito in lorin a kum musano rop, ma a musano in lorin a ino, ma o God in lorin o Karisito.

Galesia 4:4

Ra a kilalo i sot, o God i tulu ru o Nutunulik urin. A ino i usus pasi, ma i kis utuntudu ina Warkurai.

Epeses 1:22

O God i ubek tar a kum utna rop utuntudu ina dekdekin o Karisito, ma o God i ukis tar o Karisito sur in lorin a kum utna rop, sur a wakakino anun a taro na lotu.

Epeses 2:15

Ra i mat, i urop ru a kum Warkurai anun a taro Juda, sur in dat tomo aru kabotaro, sur ara matok na kabotaro mukut, sur dat rop dat in kis na malmal.

Epeses 3:15

i ra a Taman a kum kabo taro sapat netes una langit ma nin upiso kai, ma i pitar tar a nilaun torom det rop.

Epeses 3:2

A nuki lena, mot sa longoro tari lena, o God i sa pitar tar a pinapam ri tang una nun a labino marmaris, sur an warut mot.

Kolosi 1:16

Uni o God i ukis tar a kum utna rop una dekdekin o Karisito: a kum utna sapat una langit ma a kum utna nin upiso, a kum utna ra di ser tama det ma a kum utna ra ka di ser tama det, lenri, a kum nion ra det kiskis na labino, a kum nion ra det utur ukai a dekdek, a kum nion ra det mugumugu, ma a kum nion ra det utur ukai a warkurai. Un o Karisito, o God i ukis a kum utna rop, ma i ukis det sur det anun o Karisito.

Kolosi 1:20

Ra una minatin o Nutunu, a kum utna rop det milet melet toromi, sur det in kis na emarom tomo nami, a kum utna nin upiso ma a kum utna sapat netes una langit. I pam a malmal nama gapin o Nutunu ra i mat unin nanai kutus.

Kolosi 3:11

Ra lenra, dat rop dat elar mukut: a taro Juda, a taro Grik, det ra di sa tok talilis tar det ma det ra ka di tok talilis det, ma a taro tagun osi na ngas na kabotaro, a kum tene ititula ma det kai ra ka det tene ititula. O Karisito ut i labo sakit, ma i kis un dat rop.

Ibru 1:2

Ikut una kum ururop na bung ri, i wasiso torom dat nama wan o Nutunu. O Nutunu ra i pilok pasi sur in los a kum utna rop anun o God. Ma una laman o Nutunu, o God i ukis a rakrakon bual rop.

Ibru 11:40

uni o God i sa waninar tar ara kisapi sur dat rop, ra i wakak sakit taun a kisapi numugu. Ke nemi sur in utokodos mugu pas det kut sur det in tokodos sakit, awu. I nemi sur in utokodos tomo pas det ma dat.

Ibru 9:10

A kum warkurai ri tagun a inangon ma a ininum ma a kum pinapam na gos talapor a taro umatan o God. Det a kum warkurai kut tagun a pinindat. Det tur kut, tuk una bung ra o God i umatok a kum utna.

1 Pita 1:20

O God i sa pilok pasi numugu utmakai ra ke ukisi utmakai a rakrakon bual, ma uniri, una kum ururop na bung, i sa wanpat sur in warut mot.

Tamtama 5:9

Ma det kele a matok na kelekele lenri, “Ui ut u tokodos sur un los pas a buk ma un papok ru a kum bulit gusuni, uni di um doko ui, ma u kul pukus pas a taro torom o God nama gapim, a taro tagun a kum kamkabo taro rop, tagun a wur ngas na wasiso rop, tagun a kum tamon rop ma tagun a kum gapman rop.