Aposel 8:35 - Nupela Testamen long tokples Kandas

³⁵ Ra o Pilip i turpas a papalos toromi. I inanosi una Wakak na Wasiso un o Iesu, turpasi ut una buk ra a te Itiopia i luki.

Aposel 8:35 ပူးပေါင်းရင်းမြစ်များ

Matiu 5:2

Ma i ususer det lena,

Luk 24:27

Turpasi una kum buk anun o Moses ma a kum poropet rop, o Iesu i papalos torom der una kum utna, ra di sa tumus tari uni ut, una Buk Tabu.

Aposel 10:34

O Pita i watungi lena, “A tasman mulusi lena, a kum kamkabo taro rop det elar kut umatan o God.

Aposel 11:20

Ikut ara taro tagun a taro na nurnur ra, a taro Saipras ma a taro Sairini, det wan utong o Antiok, ra det wasiso torom a taro ra awu sur a taro Juda kai, nama Wakak na Wasiso una Labino o Iesu.

Aposel 17:18

A kum tene mananos tagun a etowo anun a taro Epikurian ma a taro Stoik det wasiso tomo nami. Ara taro det watungi lena, “Asau ri a tene wasiso oros ri i inanos dat nami?” Ma ara taro kai det watungi lena, “Kutiro, i inanos dat una kum matok na god tagun tu tamon gisen.” Det watungi lenri uni i warawai nama Wakak na Wasiso un o Iesu ma a nilaun melet gusun a minat.

Aposel 18:28

I balu dekdek a wasiso anun a taro Juda umatan a taro, ra i ulingmulusi nama wasiso na Buk Tabu lena, o Iesu ut a Karisito.

Aposel 19:13

A ramano kum te Juda, det ser wan tuptupukus una kum tamon, sur det in lakro ru a kum laulau na nion gusun a taro. Ma det lari sur det in lakro ru i kai a kum laulau na nion nama risan o Iesu. Det ser watungi lena, “A lakro ru mot nama risan o Iesu, ra o Pol i ser warawai nami.”

Aposel 28:23

Det nam o Pol det kubus pas ara bung sur det in wasiso. A susut na taro det wanpat toromi, una rumu ra i kis uni. I turpas a wasiso una kobot ma i tuk una lirop. I papalos torom det una matanitu anun o God. Ma i papalos utkai una Warkurai anun o Moses ma a kum tumtumus anun a kum poropet, sur in ukatutur a nuknukin det sur det in nurnur un o Iesu.

Aposel 3:20

sur mot in taramo a wakak na nilaun ra a Labino in pitari. Ma in tulu ru a Karisito torom mot, o Iesu i ra o God i sa pilok pasi.

Aposel 5:42

Ra una kum bung rop ubalan in noworo ina rumu na etabor, ma una nundet a kum rumu kai, ka det mana nama etowo ma a warawai nama Wakak na Wasiso lena o Iesu i a Karisito mulus.

Aposel 8:34

Ra a te Itiopia i watungi tan o Pilip lena, “Un inanos iau, a poropet i watung a wasiso ri un osi? Uni ut, o un taio gisen?”

Aposel 9:20

Uniutra i turpasi sur in warawai una kum rumu na lotu anun a taro Juda. I warawai un o Iesu lena, i a Nutun o God.

1 Korin 1:23

Ikut met, met warawai kut un o Karisito, i ra di sak wati unin nanai kutus. A warawai ri, a taro Juda det ngeti, ma torom det, i elar nama wat ra det puku taru uni, ma i elar kut nama longlong na wasiso torom a taro ra awu sur a taro Juda.

1 Korin 2:2

Ra a kis tomo nam mot, ka nem na nuknuk un tu utna gisen, awu. A nuknuking i kis kut un o Iesu Karisito ma una nun a minat unin nanai kutus.

2 Korin 6:11

Ai, mot a taro Korin, met wasiso talapor mulus torom mot, ma a balamet i bukus nama marmaris torom mot.

Epeses 4:21

A tasmani lena di sa ususer tar mot un o Iesu ma mot sa longoro tari, ma mot tasman a lingmulusino ra i kis uni.