Aposel 7:58 - Nupela Testamen long tokples Kandas

⁵⁸ Det dat pirso ru i gusun a tamon, ra det dukuduku i. Ma det ra det takun o Stiwen, det palos ru anundet a kum saket, ra det ubek tari nisan aru kikin ara barman, a risano o Sol.

Aposel 7:58 ပူးပေါင်းရင်းမြစ်များ

Luk 4:29

Det katutur, ra det lu ru o Iesu tagun anundet a tamon. Det dat pasi usapat una tangai ra di pam tar anundet a tamon uni, sur det in woro pirso i una papor wat.

Aposel 22:20

Ra di duku doko o Stiwen, i ra i ser wasiso puaso un ui, iau kai a tur ut tiro iai. A mulaot tomo nam det, ma a tamtamabat a kum saket anundet ra det duku doko i.’

Aposel 22:23

Ra det kukukuk, det rakon ru anundet a kum saket, ma det woro sarara a kubus usapat netes.

Aposel 22:4

A ban laulau a taro ra det mur a Kisapi anun a Labino. A um doko a ramano taro, ma a ramano taro kai a dat pas det, a kum musano ma a wardain utkai, ra a uruk tar det una karabus.

Aposel 26:10

A pam a pinapam ri sapat o Jerusalem. A wan nama warkurai anun a kum lamlabino tene etabor torom o God, ma a uruk a susut na tene nurnur una karabus. Ra din um doko det, iau kai, a mulaot sur det in mat.

Aposel 6:11

Ma det ungongos eno pas a ramano kum musano, sur det in watungi lena, “Met longoro tari ut ra i wasiso laulau un o Moses ma un o God kai.”

Aposel 6:13

Ra det ben pas a taro sur det in takuni nama kum torotoro na wasiso, ma det watungi lena, “A musano ri ke mana nama wasiso laulau una nundat a rumu na etabor, a rumu anun o God, ma una Warkurai kai anun o Moses.

Aposel 7:57

Ra det bari nama labino walngandet, det song bat a kum taltalngan det, ma det kalabor bat pasi.

Aposel 8:1

Ra o Sol i mulaot sur din um doko o Stiwen. Una bung ra di um doko o Stiwen, a taro det turpasi sur det in ukadik a taro na lotu sapat o Jerusalem, ma a taro na nurnur rop det wan sarara una aru papor Judia ma o Samaria. Ikut, a kum aposel ka det wan, det kis ut.