Aposel 28:30 - Nupela Testamen long tokples Kandas

³⁰ Aru kudulano kilalo, o Pol i kis una rumu ra i ut i ser tokomi, ma i gas pas a taro rop ra det wanan pat toromi.

Aposel 28:30 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 1:39

O Iesu i balu der lena, “Mur iap sur mur in tama i.” I mo ra der muri, ma der tama a dino ra o Iesu i kis iai. Ra detul wanpat, i sa wat na pakano bung pas, ma detul kis mukut tiro iai a kudulano lirop ra.

Aposel 19:21

Ra a kum utna ri i sa rop, o Pol i nuki lena in nan potor una ru papor Masedonia ma o Akaia sur in nan usapat o Jerusalem. Ma i watungi lena, “Ra a sa wan pas sapat o Jerusalem, an nan bulung utong o Rom.”

Aposel 24:27

Ra aru kilalo i sa rop, o Posius Pestus i keles ru o Peliks. Ikut o Peliks ke palos ru o Pol, uni i nemi sur in ugasgas a taro Juda.

Aposel 28:16

Ra met sa wanpat tong o Rom, di mulaot tar o Pol sur i kut in kis un tu rumu, ma tu tene inaim in tamtamabati.

Aposel 28:31

Ra i ser warawai una matanitu anun o God, ma i ser ususer a taro una Labino o Iesu Karisito, ma ke ngara, ma kataio kai i turbati.

A Pas anun o Pol torom a taro Rom 15:32

Ra o God i nemi lenra, an nanpat torom mot nama gasgas, ma an mana tomo nam mot sur an los melet pas a dekdek.

2 Korin 11:23

Det a kum tultul anun o Karisito, niko? Iau a wakak na tultul tandet rop. A wasiso elar nama longlong. A papam dekdek bing tandet rop, a sa kis papas una karabus, a kum inaim di pami un iau i dekdek sakit, a susut na dino milau an mat. A kum utna rop ri, ra di pami un iau, i labo taun a utna ra di pami un det.

2 Korin 6:5

Di um met, ma di uruk met una karabus ma di ukatutur a inaim torom met. Met papam dekdek, ka met inep una kum bung na mirum, ma met taramo a munurak.

Pilipai 1:13

Uni i talapor torom a kum tene inaim rop ra det tamtamabat a rumu anun a king, ma torom a taro rop kai lena, a kis una karabus uni iau anun o Karisito.

2 Timoti 1:17

Ra i wanpat tong o Rom i sisio nanan ut sur iau, tuk i sio pas iau.

2 Timoti 4:2

Un warawai nama Wakak na Wasiso. Un dekdek uni, una kum bung ra a taro det nem na longoro ui, ma a kum bung ra ka det nemi. Un ukodos wakak a taro, un upuaso anundet a kum niraro torom det ma un uragot det. Un pam a kum utna ri nama wowowon na petutna torom det ma un ususer wakak det.