Aposel 28:18 - Nupela Testamen long tokples Kandas

¹⁸ Ra a taro Rom det sa longoro tar anung a wasiso ra a wasiso bat iau nami, det nemi sur det in palos ru iau, uni ka det sio pas tu utna ra din um doko iau uni.

Aposel 28:18 ပူးပေါင်းရင်းမြစ်များ

Aposel 22:30

Una bung numur, a labino mugumugu i nemi sur in mananos wakak pas una utna ra a taro Juda det takun o Pol nami. Ra i palos ru a kum sen, i itula sur a kum lamlabino tene etabor torom o God, ma a taro na kiwung rop kai, sur det in nan tomo. Ra i ben pirso pas o Pol, ra i utur tari sa numugu umatandet.

Aposel 23:29

Uniri a sa talapor lena, di takun orosi kut una nundet a kum warkurai tagun a lotu, ma ke pam tu sakino utna ra in karabus uni, o din um doko i uni.

Aposel 24:10

O Peliks, a labino mugumugu tagun a gapman, i pikmato o Pol sur in wasiso, ra o Pol i watungi lena, “A gas sur an wasiso batbat iau, uni a tasmani lena u sa tene warkurai a susut na kilalo torom met a taro Juda.

Aposel 24:22

O Peliks i talapor wakak ut una lotu ri di watungi nama Kisapi anun o Karisito, ra i umana tar a warkurai munung, ma i watungi lena, “Ra o Lisias, a labino mugumugu anun a taro na inaim in nanpat, an ubeki maragom a warkurai una etakun ri.”

Aposel 25:25

Ikut ka pastorom tu utna ra din um doko i uni. Ikut i sasaring sur a Sisa in warkurai i, ra a nuki lena an tulu i utong o Rom torom a Sisa.