Aposel 25:25 - Nupela Testamen long tokples Kandas

²⁵ Ikut ka pastorom tu utna ra din um doko i uni. Ikut i sasaring sur a Sisa in warkurai i, ra a nuki lena an tulu i utong o Rom torom a Sisa.

Aposel 25:25 ပူးပေါင်းရင်းမြစ်များ

Luk 23:14

ra i watungi tandet lena, “Mot sa ben tar a musano ri torom iau, elar nam ara ra i ukatutur a balan a taro, sur det in lakai a warkurai anun a gapman. Ra iri a sa ting tari umatamot, ma ka tikin pas tu petutna ra a musano ri i raro uni.

Luk 23:4

O Pailat i watungi tan a kum lamlabino tene etabor torom o God ma a kunur na taro lena, “Ka tikin pas tu petutna a musano ri i raro uni.”

A Wakak na Wasiso un o Iesu Karisito o Jon i tumusi 18:38

Ra o Pailat i tingi lena, “Asau a lingmulus?” Ra o Pailat i sa ting tari lenri, i pirso melet torom a taro Juda. I watungi tandet lena, “Ka pastorom tu niraro anunu.

Aposel 23:29

Uniri a sa talapor lena, di takun orosi kut una nundet a kum warkurai tagun a lotu, ma ke pam tu sakino utna ra in karabus uni, o din um doko i uni.

Aposel 23:9

Ra a labino purpuruon i turpasi, a ramano kum Parisi, det ra a kum tene ususer tagun a Warkurai, det tur, ma det engaras dekdek, ma det watungi lena, “Ka met sio pas tu sakino utna ra a musano ri i raro uni. Dat in lai mo? Sako ra tu nion, o tu ensel i sa wasiso taru toromi.”

Aposel 25:26

Ka tasman mulus tu utna ra an tumus ukai i uni, torom a Sisa. I mo ra a ben pati torom mot rop, ma torom ui, King Agripa, sur dat in ting tari sur an tasman asau ra an tumusi.

Aposel 26:31

Det pirso, ra det wasiso etalai lena, “A musano ri ke pam tu sakino utna ra din um doko i uni, o in karabus uni.”

Aposel 27:1

Ra di sa warkurai tari sur met in kas una sip utong o Itali, di pitar tar o Pol, ma a ramano kum karabus kai, tan ara mugumugu a risano o Julias, ara tagun a taro na inaim anun a Sisa.

Aposel 28:18

Ra a taro Rom det sa longoro tar anung a wasiso ra a wasiso bat iau nami, det nemi sur det in palos ru iau, uni ka det sio pas tu utna ra din um doko iau uni.