Aposel 25:12 - Nupela Testamen long tokples Kandas

¹² Ra o Pestus i sa wasiso pas nam anun a kum tene mananos, i inanos o Pol lena, “Uniri u sasaring sur un nan torom a Sisa, ra an tulu ru ui utong o Rom torom a Sisa.”

Aposel 25:12 ပူးပေါင်းရင်းမြစ်များ

Matiu 22:17

Un inanos met, asau a nuknukim? I tokodos sur din pitar a takis torom a Sisa o awu?”

Aposel 19:21

Ra a kum utna ri i sa rop, o Pol i nuki lena in nan potor una ru papor Masedonia ma o Akaia sur in nan usapat o Jerusalem. Ma i watungi lena, “Ra a sa wan pas sapat o Jerusalem, an nan bulung utong o Rom.”

Aposel 23:11

Una mirum utra, a Labino i wanpat torom o Pol, ra i watungi tano lena, “Gong u ngara, un tur dekdek. U sa wasiso talapor taru un iau nin o Jerusalem, lenkutkai ra un wasiso talapor un iau tong o Rom.”

Aposel 25:11

Ra a sa pam tar a sakino ra i tokodos sur an iru uni, i wakak kut sur an iru. Ikut ra a kum utna ri det takun iau nami ke lingmulus, ke tokodos sur din pitar tar iau tandet. A sasaring sur a Sisa ut in longoro a warkurai anung.”

Aposel 25:13

Ra i sa rop a kabano bung, a King Agripa der nama bunu ano, o Benaisi, der wanpat tong o Sisaria, ra der wasiso na ugasgas pas o Pestus una nun a kinkinis na mugumugu.

Aposel 25:21

Ikut, o Pol i sasaring sur a Sisa in warkurai i, ra a itula sur in kis munung nin una karabus, tuk una bung ra an tulu ru i utong o Rom torom a Sisa.”

Aposel 26:32

Ma o Agripa i watungi tan o Pestus lena, “Ra gunuk a musano ri ken sasaring sur a Sisa in warkurai i, i wakak kut sur din palos ru i.”

Aposel 27:1

Ra di sa warkurai tari sur met in kas una sip utong o Itali, di pitar tar o Pol, ma a ramano kum karabus kai, tan ara mugumugu a risano o Julias, ara tagun a taro na inaim anun a Sisa.

Aposel 28:16

Ra met sa wanpat tong o Rom, di mulaot tar o Pol sur i kut in kis un tu rumu, ma tu tene inaim in tamtamabati.

Pilipai 1:20

A nurnur lena, kan pam tu utna ra an maimai uni. An tur dekdek ma kan ngara, sur an ulabo pas o Karisito una nung a kum petutna rop elar nami ra numugu a ser pami. Sako an laun o an mat, an ulabo pasi ut.