Aposel 23:28 - Nupela Testamen long tokples Kandas

²⁸ A nemi sur an tasman asau a kibino ra di takuni, ra a beni torom anundet a taro na kiwung.

Aposel 23:28 ပူးပေါင်းရင်းမြစ်များ

Matiu 5:22

Ikut iau, a watungi tamot lena, osi ra in kankan torom tu tisino, din warkurai i, ma osi ra in watungi un tu tisino lena, ‘Katin lorim,’ din warkurai i umatan a taro na kiwung. Ma osi ra in watungi un tu musano lena, ‘A longlong ui,’ kutiro a warkurai toromi, ra din woro i una labino sungun.

Aposel 22:30

Una bung numur, a labino mugumugu i nemi sur in mananos wakak pas una utna ra a taro Juda det takun o Pol nami. Ra i palos ru a kum sen, i itula sur a kum lamlabino tene etabor torom o God, ma a taro na kiwung rop kai, sur det in nan tomo. Ra i ben pirso pas o Pol, ra i utur tari sa numugu umatandet.

Aposel 23:1

O Pol i tamtama tokodos torom a taro na kiwung, ra i watungi lena, “A kum tistising, tuk una bung ri, anung a nilaun i talapor umatan o God, ma in balang ke takun iau un tu utna.”

Aposel 23:10

Ra i sa labo a wasiso na engaras, ma det sa turpas a inaim, a labino mugumugu anun a kum tene inaim i ngara, sako det in dat ngagos tar o Pol. Ra i tulu ru a taro na inaim, sur det in nan ma det in dat pasi gusun a taro, ma det in ben pasi utiro una rumu anun a taro na inaim.