Aposel 21:27 - Nupela Testamen long tokples Kandas

²⁷ Ra milau a wonom mawit na bung na utalapor in rop, a ramano taro Juda tagitong una papor Asia, det tama pas o Pol ubalan in noworo ina rumu na etabor. Ma det usungun balan a taro sur det in kankan torom o Pol ra det pam ukai pasi.

Aposel 21:27 ပူးပေါင်းရင်းမြစ်များ

Luk 21:12

“Numugu ra a kum utna ri ka det wanpat utmakai, din dat pas mot, din ukadik mot, ma din dat mot una kum rumu na lotu sur a warkurai, ma din uruk mot una kum karabus. Ma din dat pas mot sur a warkurai sa numugu umatan a kum king, ma a kum lamlabino mugumugu, uni mot anungi.

Aposel 13:50

Ikut a kum te Juda, det ukatutur a nuknukin a kum mugumugu na ino ra det ser urur torom o God, ma a nuknukin a kum mugumugu na musano kai tagun a tamon ra, sur det in ban laulau o Pol ma o Banabas. Ma det lakro ru der gusun anundet a papor.

Aposel 14:19

Numur a ramano kum te Juda det wanpat tagitong o Antiok ma o Aikoniam, ra det dat pukus pas a nuknukin a susut na taro gusun o Pol der nam o Banabas. Det duku o Pol nama watat, ma det dat pirso ru i gusun a tamon, ra det nuki lena i sa mat.

Aposel 14:2

Ikut a ramano taro Juda ra ka det nem na nurnur, det usungun balan a ramano taro ra awu sur a taro Juda. Det ban laulau a nuknukin det sur det in kankan torom det ra det tar tistisino una nurnur.

Aposel 14:5

A ramano taro Juda ma ara taro kai ra awu sur a taro Juda tomo nam anundet a kum mugumugu, det epak pas sur det in ban laulau o Pol der, ma det in duku doko der nama watat.

Aposel 16:6

A Tokodos na Nion i turbat detul sur gong munung detul warawai nama Wakak na Wasiso, tong una papor Asia. Ra detul wan tuptupukus kut tong una ru papor, Pirigia ma o Galesia.

Aposel 17:13

Ikut a taro Juda kurong o Tesalonaika det longoro i lena o Pol i warawai una wasiso anun o God tong o Beria, ra det wan utong ma det usungun balan a taro.

Aposel 18:12

Una kilalo ra o Galio i mugumugu tagun a gapman tong una papor Akaia, a taro Juda det tur tomo sur det in um o Pol, ma det beni sur in tur una warkurai.

Aposel 2:9

Dat a kum te Patia, a kum te Midia, a kum te Elam, ma dat tagitong una kum papapor Mesopotemia, Judia, Kapadosia, Pontus, Asia,

Aposel 20:19

A taro Juda det wasiso tomo sur det in pam a kum sakino petutna un iau, ma a taramo a mamaut uni. Ikut, a papam ut torom a Labino, ma a unatino pas iau, ma a lurlur na matang i puku.

Aposel 24:11

Ra un ting a taro, un tasmani lena, a noino ma ru bung bat iau kut, ra a wan usapat o Jerusalem, sur an lotu.

Aposel 24:18

Numugu ra ka ruk utmakai ubalan in noworo ina rumu na etabor, a sa pam rop tar a kum warkurai sur an talapor umatan o God. Ra a ruk sur an pam a pinapam na etabor, ka det pastorom iau nam lako susut na taro, ma ka pam tu purpuruon kai.

Aposel 26:21

Iri a kibino ra a taro Juda det pam ukai pas iau ubalan in noworo ina rumu na etabor, ma det nemi sur det in um doko iau.

Aposel 4:3

Ra det pam ukai pas der ma det uruk tar der una karabus, sur der in kis tuk una bung numur, uni i sa lirop.

Aposel 5:18

Ra det pam ukai pas det, ma det uruk det una karabus.

Aposel 6:12

Ra det usungun balan a kum mugumugu, ma a kum tene ususer tagun a Warkurai ma a taro oros kai. Det wan torom o Stiwen, det pam ukai pasi, ma det beni sur in tur sa numugu umatan a taro na kiwung.

Aposel 6:9

Ikut ara taro Juda det engaras nam o Stiwen. A taro ri tagun a rumu na lotu ra di watungi lena, Anun a Langolango na Taro. Det tagun aru tamon, o Sairini ma o Aleksanderia ma tagitong una ru papor, o Silisia ma o Asia.

2 Korin 11:26

A sa wan una susut na inawan. A elar nama utna na iniru una inawan una kum danim, ma a ramano kum dino kai, milau an iru una laman a kum sakino taro. Milau an barato a iniru tan anung a taro ut, ma tan a kum usiro na taro kai. Milau an barato a iniru una kum tamon, ma una kum nubual kalako taro uni, ma sa utasi. Ma milau kai, an iru ulaman a kum torotoro na tistising una nurnur.

1 Tesalonaika 2:16

uni det lari sur det in turbat metul, sur gong metul warawai torom a taro ra awu sur a taro Juda sur gong o God i ulaun pas det. Ma una kisapi ra, det palataun anundet a kum sakino petutna tuk ra anundet a kum sakino petutna i bukus. I mo ra uniri a kankan anun o God i sa wanpat torom det.