Aposel 21:20 - Nupela Testamen long tokples Kandas

²⁰ Ra det longoro i, det watung ulabo pas o God. Ra numur det watungi tan o Pol lena, “Tisimet, u tasmani lena a susut na arip tandat a taro Juda, det sa nurnur, ra det rop det dekdek sur det in mur a Warkurai anun o Moses.

Aposel 21:20 ပူးပေါင်းရင်းမြစ်များ

Matiu 9:8

A kunur na taro det tama i, ra det kisin doko uni, ma det rakon lekeleke pas o God, uni i pitar a dekdek lenri torom a taro.

Luk 12:1

A ararip na taro det sa wanpat tomo, ra det isugut etalai det mukut, ra o Iesu i watung mugu i torom anun a kum nat na ususer lena, “Mot in tumarong una is anun a kum Parisi. A wasiso una nundet a petutna na torotoro.

Luk 15:32

I wakak sur dat in gas ma dat in nangon, uni o tisimlik ri i sa mat ma uniri i sa laun melet, i raro pas, ma uniri i sa wanpat melet.’”

A Wakak na Wasiso un o Iesu Karisito o Jon i tumusi 12:24

A inanos mot nama lingmulus, ra in niwino wit ken puku taru una piso, ma ken mat pas, in kis len taru ut ra, in tekene kut. Ikut ra in mat pas, in wu lako susut na wino.

Aposel 11:18

Det longoro a wasiso ri, ra ka det wasiso melet mo, ma det watung ulabo pas o God lena, “O God i sa pam tar a kisapi sur det kai ra awu sur a taro Juda, det in nukpukus ma det in laun.”

Aposel 15:1

A ramano taro tagisapat una papor Judia det wan utong o Antiok, ma det ususer det ra det tar tistisino una nurnur lena, “Ra ka din tok talilis a pinimot elar nama Warkurai anun o Moses, ka din ulaun mot.”

Aposel 15:24

Met sa longoro tari lena ara taro tagun met, det ulokolokor mot ra det watungi lena mot in mur a kum Warkurai rop anun o Moses, ma det utalara a nuknuki mot nami. Awu sur met ra met tulu det.

Aposel 15:5

A ramano kum Parisi ra det nurnur un o Iesu, det katutur ra det watungi lena, “I tokodos ut sur din tok talilis a pinin a taro ra awu sur a taro Juda ra det nukpukus. Ma din ususer det, sur det in mur a Warkurai anun o Moses.”

Aposel 2:41

Det ra det mur a wasiso anun o Pita, di baptaiso det. Det elar nama tulu arip det, ra di luk tomo det nama kum tene nurnur.

Aposel 22:3

“Iau a te Juda, di usus iau tong o Tasus una papor Silisia. A barman taru ut nin o Jerusalem, ma iau a nat na ususer anun o Gamaliel, ma i ususer wakak iau una Warkurai anun a kum tumtubun dat tagun numugu, ma a papam dekdek torom o God lenutri mot pami.

Aposel 4:21

Ra det sa turbat dekdek tar der, det palos ru der. Ka det sio lar pas tu utna ra det in um der uni, uni a taro rop det watung ulabo pas o God una utna na ukisin ra der sa pam tari.

Aposel 4:4

Ikut, a susut na taro ra det longoro a wasiso anun o Pita ma o Jon, det nurnur. Ra a niluluk ina kum tene nurnur i labo nanan, a kum musano kut i elar nama limo na arip.

Aposel 6:7

A wasiso anun o God i wan sarara, ma a niluluk ina taro na ususer sapat o Jerusalem, i labo nanan kai. Ma a susut na tene etabor torom o God kai, det nurnur ma det mur a Wakak na Wasiso.

A Pas anun o Pol torom a taro Rom 10:2

Uni a tasmani ut lena, det nem doko i sur det in ugasgas o God, ikut ka det tasman asau ra det in ugasgasi nami.

Galesia 1:14

A tur dekdek una lotu Juda, ma anung a mananos una lotu i labo taun det rop ra anumet a kilalo i elar. A dekdek doko sur an mur wakak a kum petutna anun a taro Juda tagun numugu.

Galesia 1:24

Ra det watung ulabo pas o God uni i papam una nung a nilaun.

2 Tesalonaika 1:10

A warkurai ri in nanpat una bung ra a Labino in nanpat sur din ulabo pasi kibino una nun a tokodos na taro, ma det rop ra det nurnur uni det in ru i. Mot kai tomo nam det, uni mot nurnur una numetul a wasiso talapor torom mot.