Aposel 20:35 - Nupela Testamen long tokples Kandas

³⁵ Una kum dekdek na pinapam rop ra a ser pami, a sa ese tar mot lena mot kai mot in pami lenra, ma mot in warut det ra kalako dekdekin det. Ma mot in nuk pas a wasiso anun a Labino o Iesu ra i sa watung tari lena, ‘Det ra det etabor det dan tandet ra det los a kum utna ra di tabor tar det nami.’”

Aposel 20:35 ပူးပေါင်းရင်းမြစ်များ

Matiu 10:8

Mot in ulangolango pas a kum misait, ma mot in ulaun pas a kum minat, mot in ulangolango pas a kum lepra, ma mot in lakro ru a kum laulau na nion. Di tabor oros mot kut, lenkai ra, mot in etabor oros kut.

Aposel 20:20

Ra a ser warawai ma a ususer mot, umatan a taro ma una numot a kum rumu utkai, ka ngara ma ka munu tu utna ra in warut mot.

Aposel 20:27

Uni ka ngara ma ka munu tu utna una nuknukin o God. A sa watung rop tari torom mot.

Aposel 20:34

Mot ut, mot tasmani lena, a papam ut nama aru lamang sur a kum utna ra in topas iau, ma det kai ra met wan tomo.

Aposel 20:36

Ra i sa watung tar a kum wasiso ri, o Pol tomo nama taro rop det kis butkeke, ma det wararing.

A Pas anun o Pol torom a taro Rom 15:1

Dat ra dat tur dekdek, i wakak sur dat in warut det ra ka det tur dekdek una nurnur. Ma gong dat nuk pas dat kut.

1 Korin 9:12

I tokodos sur a taro gisen det in los pas a warut ri gusun mot, ma i tokodos sakit sur met kai met in losi gusun mot. Ikut ka met ungongos pas mot sur anumot tu warut. Met taramo a susut na mamaut, ikut ka met saring mot sur tu warut, sur gong met turbat a Wakak na Wasiso anun o Karisito.

2 Korin 11:12

An pam liklik a kum utna ri a pami, sur det ra det watung det a kum aposel, det in tasmani lena, anundet a pinapam ke elar nam anumet a pinapam. I mo ra katu kibino sur det in warango det una nundet a pinapam.

2 Korin 11:9

A susut na dino a sibo ra a kis tomo nam mot, ikut ka pitar tu maut torom mot. Uni a kum tistising una nurnur tagisa o Masedonia det wanpat, ra det tabor iau nama utna ra a sibo suri. Ka saring tar mot, ma kan saring tar mot kai sur tu utna.

2 Korin 12:13

Asau a kibino ra mot nuki lena ka pam a wakakino torom mot, elar nami ra a pami torom a taro na lotu una ramano kum tamon gisen? Kutiro ra ka saring mot sur tu utna? Mot in dumano ru anung a sakino petutna ra ka saring mot sur tu utna!

2 Korin 8:9

Uni mot tasman a marmaris anun anundat a Labino o Iesu Karisito. I ut i tadaru sakit nama susut na utna, ikut i wan gusun anun a wakak na kinkinis sapat netes una langit, uni i maris mot, ma i kis na sibo nin una rakrakon bual, sur mot, mot in tadaru nama wakak na nilaun.

Epeses 4:28

Osi ra i ser wolong, gong melet mo i wolong. I wakak sur in pam a wakak na pinapam nam aru lamano, sur in pam pat a utna sur in tabor a sibo na taro nami.

1 Tesalonaika 4:11

Mot in dekdek sur anumot a nilaun in lenri: Mot in kis na malmal, ma gong mot uruk lorimot sur tu utna anun taio. Mot in papam nama lamamot sur amot a utna na inangon, elar nami ra metul sa watung tari tamot.

1 Tesalonaika 5:14

A kum tistisi metul, metul saring mot sur mot in tumarong a kum tubunu wok na taro, mot in uragot det ra det ser ngara, mot in warut det ra ka det dekdek una nurnur, ma mot in ese a wowowon na petutna torom a taro rop.

Ibru 13:16

Gong mot dumano i sur mot in pam a kum wakak na pinapam ma mot in tabor a taro. Uni a pinapam ra, i elar nama etabor torom o God ra in gas uni.

Ibru 13:3

Mot in nuk pas det ra det kis una karabus, elar nami ra mot karabus tomo utkai nam det. Mot in nuk pas det kai ra di ban laulau det, elar nami ra di ban laulau mot utkai.

3 Jon 1:7

Det wan nama risan o Karisito, ra ka det los tu warut tan a taro ra ka det nurnur.