Aposel 20:27 - Nupela Testamen long tokples Kandas

²⁷ Uni ka ngara ma ka munu tu utna una nuknukin o God. A sa watung rop tari torom mot.

Aposel 20:27 ပူးပေါင်းရင်းမြစ်များ

Matiu 28:20

Ma mot in ususer det sur det in mur a kum wasiso rop ra a sa watung tari tamot. Ma i lingmulus lena iau, an kis tomo nam mot tuk una ururop ina rakrakon bual.”

Luk 7:30

Ikut a kum Parisi ma a kum tene ususer tagun a Warkurai det rosumur gusun a kisapi ra o God i pitari torom det, uni ka det los a baptais anun o Jon.

A Wakak na Wasiso un o Iesu Karisito o Jon i tumusi 15:15

Kan watung mot melet mo lena a kum tultul, uni a tultul ke tasman a utna ra anun a labino i pami. Ikut a watung mot lena a kum paspasang, uni a sa watung rop tar a kum wasiso tamot ra a longoro i tan o Tita.

Aposel 13:36

“O Dewid i pam sot rop pas a nemnem anun o God una nun a kum bung na nilaun. Numur i mat, ra di pori tomo nama kum tumtubunu, ma a pinino i mereseng.

Aposel 2:23

Di pitar tar o Iesu torom mot, elar nami ra o God i sa tasman mugu tari, una nuknukino. Ra mot tomo nama kum sakino taro, mot sak wati unin nanai kutus.

Aposel 20:20

Ra a ser warawai ma a ususer mot, umatan a taro ma una numot a kum rumu utkai, ka ngara ma ka munu tu utna ra in warut mot.

Aposel 20:35

Una kum dekdek na pinapam rop ra a ser pami, a sa ese tar mot lena mot kai mot in pami lenra, ma mot in warut det ra kalako dekdekin det. Ma mot in nuk pas a wasiso anun a Labino o Iesu ra i sa watung tari lena, ‘Det ra det etabor det dan tandet ra det los a kum utna ra di tabor tar det nami.’”

1 Korin 11:23

Uni a etowo ri a los pasi tan a Labino ma a sa pitar tari torom mot i lenri: Una bung na mirum ra di usobor tar a Labino o Iesu, i los pas a beret.

2 Korin 4:2

Met sa mana gusun a kum sakino petutna ra di ser pam eno i, ma di ser maimai nami. Ka met papam nama torotoro, ma ka met palos raro a wasiso anun o God, awu. Met palos talapor a lingmulus na wasiso torom a taro, sur det in tasman lele i ut una nuknukin det lena, met watung a lingmulusino umatan o God.

Galesia 4:16

Pepetlai, uniri mot nuki mukut lena iau anumot a ebar, uni a inanos mot nama lingmulus?

Epeses 1:11

A kum utna rop ra o God i ser pami, i pami elar ut nam anun a nemnem ma a nuknukino. Numugu utmakai i pilok pas met a taro Juda, sur met tagun o Karisito, elar ut nam anun a nemnem.

1 Tesalonaika 2:4

Awu! Metul wasiso puaso nama Wakak na Wasiso, uni o God i sa lar tar metul, ma i nurnur un metul lena metul in pami. Ka metul wasiso puaso sur metul in ugasgas a taro nami, awu, sur o God ut in gas nami, i ra i ser lar tar a nuknuki metul.