Aposel 19:33 - Nupela Testamen long tokples Kandas

³³ A taro Juda det sugut pat tar o Aleksanda usa numugu tan a kunur na taro. Ma det kukukuk nama wasiso sur in watung asau. Ra o Aleksanda i turbat det nama lamano, sur det in kis wowowon, sur in wasiso bati ut umatan a taro.

Aposel 19:33 ပူးပေါင်းရင်းမြစ်များ

Luk 1:22

Ra i wan pirso, ke wasiso lar pas mo torom det. Det tasmani lena o Sekaraia i sa tama tar tu tamtama tiro una rumu na etabor, uni i tustusu mukut torom det nama ru lamano.

Aposel 12:17

Ra i turbat det nama lamano, sur det in kis wowowon. Numur i inanos det una pinapam anun a Labino ra i ben pirso petlan pasi gusun a karabus. Ma i watungi lena, “Mot in inanos o Jems ma det, ra dat tar tistisino una nurnur, una utna ri.” Ra i wan gusun det sur ara tamon gisen.

Aposel 13:16

O Pol i katutur, ra i turbat det nama lamano sur det in kis wowowon, ra i watungi lena, “Mot a taro Israel, ma mot a taro gisen kai ra mot lotu torom o God, mot in longoro iau.

Aposel 19:34

Ikut, ra a taro Epeses det sa tasmani lena, o Aleksanda i a te Juda, det kukukuk tomo elar nama ru aua lena, “O Artemis anun a taro Epeses, i labo sakit!”

Aposel 21:40

Ra a labino mugumugu i mulaot tari, o Pol i tur una leta ina rumu, ra i turbat a taro nama lamano. Ra det sa tur wowon, i wasiso tandet nama wasiso Ibru lena,

Aposel 24:10

O Peliks, a labino mugumugu tagun a gapman, i pikmato o Pol sur in wasiso, ra o Pol i watungi lena, “A gas sur an wasiso batbat iau, uni a tasmani lena u sa tene warkurai a susut na kilalo torom met a taro Juda.

Pilipai 1:7

I tokodos sur an nuknuk lenri un mot rop, uni mot kis mulus una nuknuking. Dat rop dat tur tomo una pinapam ra o God i pitar tari tang una nun a marmaris. Dat tur tomo ra a kis una karabus, ra a wasiso balu det ra det watung laulau a Wakak na Wasiso, ra a upuaso i torom a taro.

1 Timoti 1:20

O Emeneus ma o Aleksanda aru tagun det, ma a sa pitar tar der ulaman o Satan, sur der in tasmani lena, gong melet mo der watung laulau o God.

2 Timoti 4:14

O Aleksanda, a tene pam ututna nama aen, i pam a susut na sakino petutna torom iau. A Labino ut in balu i toromi.