Aposel 17:24 - Nupela Testamen long tokples Kandas

²⁴ O God ut ra i pam a rakrakon bual ma a kum utna ra det kis uni, i a Labino anun a langit, ma a rakrakon bual, ma ke kis un tu rumu na lotu ra a taro det pami.

Aposel 17:24 ပူးပေါင်းရင်းမြစ်များ

Matiu 11:25

Una du bung ra, o Iesu i watungi lena, “Tita, ui a Labino tagun a langit ma a rakrakon bual rop. A watung ulabo pas ui, uni u munu a kum utna ri tan a kum tene mananos ma det ra det tastasman, ma u upuaso i kut, torom det ra det elar nama kum nat liklik.

Matiu 5:34

Ikut iau, a watungi tamot lena, gong mot udekdek a liliman nam tu ngas na wasiso kai. Gong mot liliman nama langit, uni a langit, a kiskis na king anun o God.

Luk 10:21

Una du bung ra, o Iesu i bukus nama gasgas tan a Tokodos na Nion ma i watungi lena, “Tita, ui a Labino tagun a langit ma a rakrakon bual rop. A watung ulabo pas ui, uni u munu a kum utna ri tan a kum tene mananos ma det ra det tastasman, ma u upuaso i kut, torom det ra det elar nama kum nat liklik. A lingmulus, Tita, uni anum a nemnem i lenutra.

A Wakak na Wasiso un o Iesu Karisito o Jon i tumusi 1:1

Numugu utmakai ra ka di ukisi utmakai a rakrakon bual, a Wasiso i sa kis mugu taru. A Wasiso i kis tomo nam o God, ma a Wasiso i ut o God.

Aposel 14:15

“A taro, sur asau ra mot pam a kum utna ri? Mir aru musano kut, mir elar kut kai lar mot! Mir wanpat kut nama Wakak na Wasiso torom mot, ma mir inanos mot sur mot in tupukus gusun a kum utna oros kut ri ra mot lotu torom det, sur mot in mur a God ra i laun. I ra, i ukis a bakut, a rakrakon bual, a tasi, ma a kum utna rop ubalandetul.

Aposel 4:24

Ra det longoro i, det wararing tomo torom o God lena, “Labino, u ukis a bakut, a rakrakon bual, a tasi, ma a kum utna rop ubalandetul.

Aposel 7:48

Ikut o God a Labino Sakit ke kis una kum rumu ra a taro det pami, elar nami ra a poropet i watungi lena,

A Pas anun o Pol torom a taro Rom 1:19

O God i kankan, uni a kum utna ra din tasmani un o God i talapor kut torom det, uni i ut i sa utalapor tari torom det.

Ibru 1:2

Ikut una kum ururop na bung ri, i wasiso torom dat nama wan o Nutunu. O Nutunu ra i pilok pasi sur in los a kum utna rop anun o God. Ma una laman o Nutunu, o God i ukis a rakrakon bual rop.

Ibru 3:4

A kum rumu rop taktakai, arara musano i pami, ikut o God i pam a kum utna rop.

Tamtama 20:11

Numur a tama a labino kiskis na king i kabang, ma a tama pas ara ra i kis uni. Ma a rakrakon bual ma a bakut der rorom gusun in matano, katu nubual melet mo anunder.